Hezkuntza Sailek, alde bakarrez, ikasturtearen hasiera planifikatu dute, emandako agindu eta protokoloetan ikastetxe guztientzako jarraibide orokor batzuk ezarriz, eta ez du bildu nahi izan LAB eta ELArekin, edo jantoki eta eskola-garraioko zerbitzuak izango duen egoerari edo eraginari buruz informazioa eman, enpleguari eusteko bermerik edo zerbitzu horiek ematen dituzten langileentzako prebentzio-neurri espezifikorik gabe, eta erabaki eta erantzukizun asko ikastetxeetako zuzendaritzen eskuetan utziz.
LAB eta ELA sindikatuok behin eta berriz eskatu dugu Hezkuntza Sailekin bilera bat egiteko, 2020/2021 ikasturtearen hasieran jantokiko eta eskola-garraioko zerbitzuen funtzionamendua zein izango den jakiteko, erantzuna barik.
Bi sindikatuok komunikabideen edo Sailek emandako agindu edo protokoloen bidez jaso dugun informazioa dugu, jantokia hezkuntza-sistemaren zati oso garrantzitsua dela agertzen bada ere, ez baita kontuan hartu, ezta eskola-garraioko zerbitzua ere, eta ez baitira zehaztu haren funtzionamendua, erabiltzaile-kopurua eta edukiera, prebentzio-neurriak eta elkarrekikotasun-planak.
Sailek irizpide orokor batzuk ezartzen dituzte EAE eta Nafarroako ikastetxe guztietarako, eta erabakiak eta erantzukizunak ikastetxeetako zuzendaritzen esku uzten dituzte, bai zerbitzu horiek eskaintzeko, kentzeko edo aldatzeko, zerbitzu horiek ematen dituzten langileak alde batera utzita, eta ez du bermatzen enpleguari eutsiko zaiola lan egiten duten hiru egoeretako batean ere.
LABek eta ELAk ahalik eta lasterren bilera bat egitea eskatzen diegu Hezkuntza Sailei, zerbitzu horietako langileen egoera eta enpleguari eustea aztertu ahal izateko.
Era berean, bilera egiteko eskaera helaraziko diegu hezkuntzako patronalei (Kristau Eskolak, AICE-IZEA, Ikastolen Elkarteak, ANEG gardentasuna…), bi zerbitzu horiei buruz erabakitzeko duten gaitasunaren aurrean, eta bilera egiteko eskaerak idatziz eta modu ofizialean eskatu eta sartuko ditugu.
LABek eta ELAk ez dugu inolako enplegu-suntsiketarik onartuko. Gaur egungo enpleguari eusteko bermea eta haren lan-baldintzak izango dira gure aldarrikapena. Kontrako edozein erabakik, enpleguari eutsiko zaiola bermatzen ez bada, LAB eta ELA aurrean izango ditu.
Hori esanda, LAB eta ELA sindikatuok Eusko Jaurlaritzari eta Nafarroako Gobernuari eskatzen diegu enpleguari eta egungo lan-baldintzei eustea bermatzeko. Ez dugu onartuko inolako murrizketarik edo enplegu-suntsiketarik, eta, hala ez bada, mobilizazioetara deituko ditugu langileak, greba-deialdia barne.
Hezkuntza Sailei eta patronalei gizartearekiko eta sektoreko langileekiko erantzukizuna eskatzen diegu.