2024-02-26
HomeUncategorizedJabi Amorrorturi omenaldia uztailaren 12an Lemoan

Jabi Amorrorturi omenaldia uztailaren 12an Lemoan

Datorren ostiralean, uztailak 12, LABek omenaldia egingo dio ekainaren 29an hil zen Jabi Amorrortu kideari. Ekitaldia arratsaldeko 19:00etan izango da Eleizondon (Lemoa).

JABI AMORRORTU BELAMENDIA

Jabi Amorrortu bere konpromisoagatik gogoratuko dugu, kirol munduari, sindikatuari eta bereziki bere familiari eskainitako dedikazioagatik. LABetik besarkada bero eta estua bere emazte Garbiñeri eta euren bi semeei.

Euskal Herri osoan ezaguna egin da Cementos Lemonan enplegua eta lan baldintzengatik burututako borrokagatik. Ziur gaude Cementoseko langile guztiek borroka kide bezala gogoratuko dutela, borroka kide on guztiek bezala, kemena eta bihotza ondo baino hobeto uztartzen baitzekien.

Ibilbide luzea egin zuen sindikatuan Jabik, enpresa delegatu bezala hasi zen ondoren Bizkaiko eraikuntzako mahai sektorialeko arduraduna, Hego Uribe-Arratiako eraikuntza arduraduna eta, azkeneko bost urteetan, eraikuntza-kimika sektoreko arduradun nazionala izan da industria federazioan.

Gure bihotzetan geratuko da betiko. Ezingo dugu bere alaitasuna ahaztu, bere bizi poza, bere gaitasuna momentu gogorretan taldea zaintzeko… ezinezkoa izango zaigu Jabi ahaztea.

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.