2024-02-24
HomeIndustriaMetalgintzaIurretako Odi Bakar enpresako langileak greba mugagabean

Iurretako Odi Bakar enpresako langileak greba mugagabean

Iurretako Odi Bakar enpresako langileek greba mugagabea hasi zuten astelehenean (urtarrilak 7). Erabilpen elektriko, industrial, saneamendu eta bestelako hodiak egiten dituen enpresa honetako langileak 2010eko maiatza ezkeroztik elkar-kateatutako suspentsio EREak jasaten ari dira, eta lantegian kaleratzeak ere gauzatu dira.

Azken suspentsioko EEEa pasa den abenduaren 21ean bukatu zen. Langileen ordezkariek bilera eskatu zioten zuzendaritzarik, espedientea amaitzen zenez, aurrera begira zer gerta zitekeen jakiteko. Enpresak erantzun zien ez zela beste suspentsio EEErik egongo, neurri gogorragoak zetozela.

Mehatxu horren aurrean greba mugagabeari ekin diote langileek. Egoeraren gaineko zehaztapenak emateko eta greba mugagabeaz informatzeko prentsaurrekoa deitu du enpresa komiteak (LAB, ELA eta independentea). Agerraldia bihar eguerdiko 12.00etan Iurretako Mallabien poligonoan, enpresa atarian izango da (Mallabiena Poligonoan). 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.