Itsasondon kokatzen den eta iaz 50 urte bete zituen garabien sektoreko enpresa, greban dago. Zuzendaritza eta Enpresa Batzordea 6 hilabete luze doaz negoziaketan 2015ean amaitu zen hitzarmena berritze aldera eta adostasun bat lortzea ezinezkoa izan denez, batzarrak mobilizazioetara jotzea erabaki du blokeo egoerarekin amaitu eta akordio batera iristen saiatzeko. Asteazken honetan, martxoaren 9an, goizeko 10etan lantegitik abiatu eta Ordiziako azokatik buelta egingo duen manifestaldia antolatu dute "Jaso Itsasondo, enpresa-itun duinaren alde" lemapean. 

Aurreko astean 2 orduko geldialdiak egin zituzten ostegun eta ostiralean eta aste greba egingo dute. JASOko langileei, bost egun hauetan, SATeko lankideak gehitu zaizkie. Langileak txandaka antolatu dira eta enpresaren ordutegi guztian lantegiaren aurrean daude protestan (7:30-18:00).