Aurreko astean Ikasle Abertzaleak deitutako greba egunak izugarrizko arrakasta izan zuen eta horren lekuko dira ikastetxe zein unibertsitateko gelak hutsik eta Euskal Herriko lau hiriburuetako kaleak ikaslez bete egin zirela. Berriro ere ikasle mugimenduak Estatutik datozen inposaketen aurrean argi utzi zuen Lomcearen aurkako jarrera eta Euskal Herrian Hezkuntza sistema propioaren aldarrikapena.
Marko propio hau garatzen goazen heinean estatuaren esku hartze saiakerak gehiagotzeko arriskua dago eta atzo bezalako erasoak errepika daitezke. Errepresio eta erantzunaren zikloan murgilduta nahi gaituzte, eraikuntza lana alboratu dezagun.
Beraz, atzoko atxiloketak salatzearekin batera eta deitutako mobilizazioetan parte hartzeaz gain, hezkuntza komunitateari dei egiten diogu Euskal Herriko Hezkuntza Sistema Propioaren eraikitze lanari segida ematera eta Madriletik datozen inposaketei erantzutera.