Nafarroako Hezkuntza Kontseilariak baieztatu du Gobernuak Lan Eskaintza Publikoari (LEP) buruzko erabakia aditzera bihar emanen duela eta zerrenda bakarra ez dela egonen. LABen ustez kudeaketa hau ezin okerragoa izan da eta beraz prozesua aurrera eraman duen taldearen aldaketa eskatzen du sindikatuak.

LABek erabaki hauen inguruan zera adierazi nahi du:

1. LEP honen kudeaketa ezin okerragoa izan dela. Denboran gehiegiegi luzatu da eta erabaki teknikotik baino tempus politikotik gehiago duela.

2. Zerrenda bakarra ez onartzeak eskubideen urraketaren lekukoa Hezkuntza Departamentu honek hartu duela adierazten du.

3. Gure hasierako planteamendua egokiena zela berresten da. Ikasturte hau Nafarroako Hezkuntza Sistemaren beharrak identifikatzeko izan behar zen. Diagnostikoa oraindik egiteke dago.

4. LABek LEP honi ezetz esaten dio, prozesuaren kudeaketa txarra izan delako eta zerrenda bakarrarena ezinbesteko baldintza zelako.

5. LABek LEParen kudeaketa kaxkarra dela medio, prozesua aurrera eraman duen taldearen aldaketa eskatu nahi du.