2024-02-26
HomeEkintza PolitikoaEuskal HerriaIÑIGO CABACAS, GOGOAN ZAITUGU

IÑIGO CABACAS, GOGOAN ZAITUGU

Iñigo Cabacas BBVAko langilea zen bere heriotzaren momentuan. Aldi baterako kontratua zuen Gran Via 12ko bulegoan kutxako lana egiteko. Aurretik ere beste bulego batzuetan lan egiteko kontratatua izana zen. Horregatik:
Ertzantzaren jokaera zakarraren ondorioz gure lankide zen Iñigo Cabacasen heriotzaren aurrean, zera adierazi nahi dugu BBVAko ELA, CGT eta LAB sail sindikaletik:

– Lehenengo, Iñigoren familiari gure dolumina agertu nahi diogu sufritu duten galera izugarriagatik.

– Gure kezka sakona azaldu nahi dugu Ertzantzaren jarrera errepresibo eta gero eta zakarragoa delako, gobernu desberdinek bultzatzen ari diren joera autoritarioa eta askatasun publikoen murrizketen ondorioz. Iñigoren heriotzak Ertzantzak eta beste poliziek askotan erabiltzen duten bortizkeria egiaztatzen du. Aurreko Martxoaren 29an Gasteizen, beste gazte bat; Xuban Nafarrate UVIan ingresatu behar izan zuten greba piketeen aurka Ertzantzak erabilitako bortizkeriagatik (lekukoen arabera, hurbiletik botatako gomazko pilota batek zaurituta). Urte hauetan material errepresibo honen ondorioz zauritutakoen zerrenda luzea (hezurrak hautsita, begiak txikituta…) ezinezkoa bihurtzen du ezohiko gertaera batez hitz egitea.

– Ardura penal eta politikoak exigitzen ditugu, ardura gehien duenagatik hasita. Hain zuzen Rodolfo Aresen dimisioa eskatzen dugu edota kargutik kendu dezatela berehala. Halaber, horrelakorik berriro gerta ez dadin neurri batzuk hartzea exigitzen dugu, besteak beste, gomazko piloten erabilera debekatzea eta poliziek parte hartzen duten edozein gertaeran agenteak behar bezala identifikatuta egotea.

– Premiazko debate bat egin behar dela uste dugu oraingo modelo polizialari buruz: Jarduteko protokoloak eta erabiltzen diren metodoen proportzionaltasuna, poliziaren jadueraren gaineko kontrol publiko eta independientea, etab.

Azkenik, Bat egin nahi dugu larunbat honetan, Apirilak 21, mugimendu sozial, sindikal eta politiko desberdinek deitu duten manifestazioarekin. Lema STOP VIOLENCIA POLICIAL izango da. Bilbon, Indautxuko Maria Díaz de Haro kaleko 13. zenbakitik ( Iñigo zauritu zuten lekutik) 17:30etan abiatuko da. Parte hartzera gonbidatzen zaituztegu.

AZKEN ALBISTEAK | ÚLTIMAS NOTICIAS

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.