2023-12-03
HomeZerbitzu PribatuakIkerkuntzaInbiomed Fundazioko langileak borrokan lanpostuen eta ikerkuntzaren alde

Inbiomed Fundazioko langileak borrokan lanpostuen eta ikerkuntzaren alde


Inbiomed Fundazioko langileak mobilizaziotan murgildurik daude jasaten ari diren egoera larriaren aurrean. Finantziazio iturri nagusia den Kutxako Gizarte Ekintzak eta instituzioek I+G arloan eragin dituzten murrizketengatik ikerkuntza lanak burutzeko baliabideak eskasian aurkitzen dira. Langileak bi hilabete daramatzate kobratu barik eta azken egunotan langileen herena kalean utziko duen ERE bat aurkeztu diete.

INBIOMED FUNDAZIOKO LANGILEEN IRAKURKETA

Inbiomed Gipuzkoako Zientzia eta Teknologia Parkean kokaturik dagoen irabazi asmorik gabeko Fundazio bat da, medikuntza birsortzailea helburu duena. Bertan, Ama-Zelulen ikerkuntzan lan egiten da minbizia, odoleko gaixotasunak edo Parkinsona bezalako gaixotasun neurodegeneratiboentzako tratamendu berrien bila.

Inbiomed egoera oso larrian aurkitzen da, alde batetik, finantziazio iturri nagusia den Kutxako Gizarte Ekintzak eragin dituen murrizketak direla eta, eta beste aldetik instituzioek I+G arloan eragin dituzten murrizketengatik. Egun gure ikerkuntza lanak burutzeko baliabide eskasian aurkitzen gara eta bi hilabete daramatzagu nomina kobratu barik.

Azken egunetan, extintzio ERE proposamena aurkeztu digute non gutxi gorabehera langilegoaren heren bat kalera doan eta bularreko minbizia ikertzen duen laboratorioaren itxiera proposatzen den. Gainera, gainontzeko langileek soldata jaitsiera jasango dute. Hala ere neurri honek instituzioaren jasangarritasunik ez du bermatzen, eta horregatik langileon akordioa ez du lortu.

Inbiomedeko langileok instituzioarekiko, ikerkuntzarekiko eta gizartearekiko gure konpromisoa berresten dugu. Antzeko erantzuna jasotzeko itxaropenez, gure patrono, instituzio eta politikoei laguntza eta babesa eskatzen dizkiegu. Halaber, Inbiomeden eginiko ikerkuntza lanak gizarte osoarentzat duen garrantzia aldarrikatu nahi dugu, pentsatzen baitugu ikerkuntza eta garapena Gipuzkoako estrategia bilakatzea funtsezkoa dela egungo krisi-egoeratik ateratzeko.

Datozen egunetan, Inbiomed-eko langileok mobilizazioekin jarraituko dugu. Duela urtebete Biomedikuntzaren ikerketan erreferentzia izan nahi zuen zentruan jasaten ari garen egoera larria plazaratzeko asmoz eta inplikaturiko agenteen laguntza jasotzeko itxaropenarekin.

 

LAB SAREAN
{module[111]}

    

AZKEN ALBISTEAK | ĂšLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.