2024-05-30
HomeEkintza SindikalaIkuskizunetako eta ekitaldietako laguntza teknikoko Nafarroako lehen hitzarmenaren negoziazio mahaia eratu izana...

Ikuskizunetako eta ekitaldietako laguntza teknikoko Nafarroako lehen hitzarmenaren negoziazio mahaia eratu izana agurtu dugu

Bi urteko borrokaren ondoren, zeinean ikuskizunetako eta ekitaldietako laguntza teknikoko langileek bizi duten prekaritatea salatzen aritu baitira, Parlamentuko ponentzietan parte hartu baitute, mobilizatu baitira, Gayarre eta Baluarte itxi dituzten grebak egin baitituzte, atzo, maiatzaren 23an, azkenean, sektore horretako Nafarroako lehenbiziko hitzarmena negoziatzeko mahaia eratu zen. Mahai horretan LAB sindikatuak ordezkaritza sindikalaren %100 dauka.

Ikuskizunetako eta ekitaldietako laguntza teknikoko ezaugarria da langileek ez dutela beren lan-baldintzak arautzen dituen hitzarmen kolektiborik, eta horrek lan errealitate gogorra pairatzera behartzen ditu, lizitazio-lehiaketekin larriagotu egiten dena. Hitzarmenik ez izateak esan nahi du, kasu gehienetan, lan egutegirik ez izatea, eta, beraz, nekez dakite astebete lehenago zein izanen den lan ordutegia. Goizez, arratsaldez, gauez edo hiru txanden zatiren batean lan egin dezakete egun berean, astegunetan, asteburuetan eta jaiegunetan, 14 ordura arteko lanaldiekin eta astean atseden egun zehatzik gabe.

Gainera, sektore horretako zati batek administrazio publikoak kontrataturiko enpresetan lan egiten du, beste enpresa batek lehiaketa irabazteko eta kontratua bitan zatitzeko arriskuarekin, bi enpresetako lana aldi berean bateragarri egitea eragotziz eta lanaldiaren zati bat baztertzera behartuz.

Sektore horretako langileen lan egoerak premiazko konponbide bat behar zuen, eta, azkenean, atzo, langileen antolaketari esker, aldarrikapen nagusietako bat lortu zen: Nafarroako ikuskizunetako eta ekitaldietako laguntza teknikorako lehen hitzarmenaren negoziazio mahaia eratzea.

Hemendik aurrera, lan egin beharko da sektore horretan ahalik eta egonkortasun handiena biltzeko eta sektore horretan hain zabalduta dagoen prekaritatea geldiarazteko.

AZKEN ALBISTEAK | ĂšLTIMAS NOTICIAS

Kanakyar herriari elkartasuna adierazi diogu bertako askapen mugimenduko ordezkariekin izandako bileran

Igor Arroyo koordinatzaile orokorrak, Argitxu Dufau Ipar Euskal Herriko arduradunak eta Koldo Saenz Nazioarteko idazkariak osatutako LAB sindikatuaren ordezkaritza bat, FLNKSeko (Kanakyako Nazio Askapen Mugimendu Sozialista) ordezkaritza batekin bildu dira. Kanakyatik etorritako ordezkaritza FLNKSeko exekutiboko kide eta Kanakyako gobernuko kanpo aferen arduraduna den Mickael Forrestek eta FLNKS-eko exekutiboko kide nahiz Batasun Kaledoniarreko Komisario Orokor ondokoa den David Wanabo-k osatu dute.

Pentsio sistema publiko propioaren norabidean eginiko proposamena jendaurrean aurkeztu dugu Iruñean

LAB sindikatuaren Haritik argitalpenaren ale berrian, pentsio sistema publiko eta propio baterako gure proposamena bildu dugu, hiru zutabe nagusi dituena: zaintzagatiko pentsioa, trantsizioa bideratzeko sistema osagarri publiko, unibertsal eta birbanatzailea eratzea eta Gizarte Segurantzaren arloko eskumen osoa keskuratzea. Gaur Iruñean, proposamen hori Nafarroako zenbait eragile sozial eta politikori aurkeztu diegu, Amanda Verrone politika publikoen azterketarako arduradunaren eta LABeko bozeramaile Imanol Karreraren eskutik.

Askatasun sindikala defendatu dugu gure jarduna oztopatzeko saiakeren aurrean

11 langile baino gutxiagoko enpresa oso txikietako hauteskunde sindikalak (TPE deitzen ditugunak) 2024ko azaroaren 25etik abenduaren 9ra iraganen dira Ipar Euskal Herrian.