Atzo, urtarrilak 7, igandearekin, LAB kalera atera da berriz ere, jai egunetan eta igandeetan 0 irekiera aldarrikatzeko, Huarteko Itaroako merkataritza gunean egindako ekintza baten bidez.

LAB sindikatua Nafarroan merkataritzako langileek pairatzen dituzten ondorioak ikusarazteko mobilizatu da, Itaroako merkataritza gunean gauzatutako ekintza baten bidez; merkataritza gunean pankartak zintzilikatu ditugu, hain justu.

LABek berriz salatu du jai egunetan lan egiteak lan baldintzak kaskartzen dituela, lanpostuak suntsitzen dituela, bizitza eta lana kontziliatzea ezinezko bihurtzen duela, merkatari txikiak kaltetzen dituela eta gizarte kontsumista eredua inposatzen duela.

Igande eta jai egunetan irekiera 0 izan arte, LAB sindikatuak kalean eta langileak babesten jarraituko du.