2024-04-12
HomeNazioartea IdazkaritzaHarremanakHitzetatik ekintzetara igaro behar dela nabarmendu dugu Genevan

Hitzetatik ekintzetara igaro behar dela nabarmendu dugu Genevan

Lanaren Nazioarteko Erakundearen bilkura.

LABek, Munduko Federazio Sindikalaren eskutik, Nazioarteko Lanaren Erakundearen urteroko jardunaldietan parte hartu du Genevan, ekainaren 12 eta 13an. Sindikatuak, lehenengo egunean, Nazioarteko Lanaren Erakundearen osoko bilkuran parte hartu du, Munduko Federazio Sindikalaren Idazkari Nagusi den George Mavrikosi babesa ematen; arratsaldean, Munduko Federazio Sindikalaren Kontseilu presidentzialean parte hartu du. Bigarren egunean, Munduko Federazio Sindikalak etorkinen eskubideen alde antolaturiko bilkuran parte hartu dugu.

Emigrazio ekonomikoaren eta etorkinen inguruan eginiko bilkuran, LABek etorkinak inmigrazio masiboa sortzen dituzten arrazoiak eta batez ere gerrak sortzen dituen inperialismoa salatu ditu. Grezian eta oro har Balkanetan etorkinak pairatzen ari diren egoera salatu dugu, eta Grezian atxilotu zituzten Mikelon eta Begoren ekintza goraipatu ditugu.

Hitzetatik ekintzetara pasatzeko momentua dela aipatu du LABek, eta horretarako beharrezkoa bada ekintza desobedienteak aurrera eraman beharko direla ere aipatu dugu, sindikatuaren izenean.

Gerretatik ihesi gure herrietara lana eta etorkizun duin baten bila datozen langileak izanik, jende horri ahal dugun neurrian sindikatuek lagundu behar ditugula aipatu du LABek. Alldi berean, langile etorkin hauek antolatzearen beharra aipatu dugu, Bartzelonako kale saltzaileen sindikatuaren adibidea erabiliz. 

Brasilgo egoera salatzeko kale ekintza.

Bilkuretatik kanpo, bestelako jarduerak ere egin dituzte egunotan. Brasilgo sindikatu talde batek, tartean Munduko Federazio Sindikalaren kide den CTB sindikatuak, Brasilgo egoera salatzeko elkarretaratze bat deitu du, esaterako. LABek bertan parte hartu du. Elkarretaratze horretan Temerren gobernu ustela salatu da.
 

 

 

AZKEN ALBISTEAK | ĂšLTIMAS NOTICIAS

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.

0-3 zikloa babestea eskatzeko manifestazioa egin dugu Iruñean

0-3 urtekoen hezkuntza zikloko sindikatu guztiok manifestazioa egin dugu gaur arratsaldean Iruñean, Carlos Gimenok zuzentzen duen Hezkuntza Departamentuari exijitzeko behingoz har dezala ziklo horren ardura, 0-3 zikloa hezkuntza baita. 300 pertsona elkartu dira mobilizazioan.