2024-06-16
HomeEkintza PolitikoaHerrietan zein lantokietan mobilizatuko gara, lan erreforma bozkatu bezperan ere, lan harremanetarako...

Herrietan zein lantokietan mobilizatuko gara, lan erreforma bozkatu bezperan ere, lan harremanetarako euskal esparruaren defentsan

LABek ostegunean antolatutako Aldarrikapen Eguna pasa da, baita urtarrilaren 30erako modu bateratuan deitutako manifestazio jendetsuak ere, baina gure aldarriek eta mobilizazio dinamikak bere horretan jarraitzen dute. Hain zuzen ere, asteazkenean, otsailak 2, euskal gehiengo sindikalarekin batera kalera aterako gara berriro, lan erreforma honen aurka eta lan harremanetarako euskal esparruaren alde.

Lan erreforma bera Espainiako Kongresuan bozkatu bezperan egingo ditugu mobilizazioak, herrietan zein lantokietan.

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.