2024-03-28
HomeIndustriaArte GrafikoakHeraclio Fournierreko langileen batzordea lankide baten kaleratzearen eta enpresaren inposaketen kontra mobilizatu...

Heraclio Fournierreko langileen batzordea lankide baten kaleratzearen eta enpresaren inposaketen kontra mobilizatu da

Langileek dei egin diete Arabako erakundeei lan gatazkan esku har dezaten, 147 urte baino gehiagoko Gasteizko enpresa honetan konponbidea bilatzeari begira.

Hauxe da Langileen batzordearen oharra:

HERACLIO FOURNIERreko Langileen Batzordeak gure enpresan azken urteetan bizitzen ari garen errealitatea salatu nahi du, gizarteari honen berri emanez. Errealitate hori gure lan baldintzetan eta laneko giro kaskarrean islatzen da.

Soldaten izozketa eta gure lan baldintzen berritze eza jasaten ari gara duela 6 urtetik hona, enpresak etekinak eta lan karga handia dituen bitartean. Laneko giroa despota da erabat, enpresak nagusikeriaz jokatzen du lan harremanetan, mespretxuz tratatzen du alde soziala, lan erritmoak oso gogorrak dira, eta mehatxuak ere ematen dira.

Krispazio eta ulermen ezaren giro horretan, edalontziak gainezka egin azken gertaerarekin: lankide bat kaleratu berri dute inolako arrazoirik gabe. Plantila beldurtzea besterik ez dute bilatu, enpresa politika beldurrean eta inposaketan oinarrituz.
Horregatik guztiarengatik, enpresari exigitzen diogu gure lankidea berehala berronartzea eta lanean ezarri duten giro kaskarrarekin behingoz bukatzea. Inposaketa, mehatxua eta komunikazio-eza alboratu ditzan negoziazioari, errespetuari eta elkarrizketari bide emanez.

Era berean, dei egiten diegu Arabako erakundeei auzi honetan esku har dezaten, 147 urte baino gehiago dituen enpresa honetan konponbidea bilatzeari begira.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.