2024-05-20
HomeIdazkaritzakIdazkaritza FeministaGure desio, gorputz eta identitateak aske eta duin!

Gure desio, gorputz eta identitateak aske eta duin!

Sexu Askapenerako Nazioarteko Eguna izango da bihar, ekainak 28. Data honen harira, LABek aske eta duin bizitzearen alde borrokan jarraituko duela berretsi du.

Errejimen politiko heteropatriarkalak faxismo soziala hegemoniko bilakatu du. Zapaldu eta zapaltzaileen boterea markatzeko, arrazakeriaren edo indarkeria matxistaren, estrategia berdina darabilte aniztasun sexual eta generokoarekin. Jendartean, ezberdinenganako gorrotoa nagusitu dute, eta lantokiak jendartearen ispilu dira.

LABen, ez dugu onartzen genero edo sexu identitateagatik inongo bazterketa ez jazarpenik, ez dugu onartzen langileek euren burua, gorputzak eta identitateak ezin adieraztea beraien kideekin, patroiarekin, bezeroekin, ikasleekin, pazienteekin…

Borroka hau aspaldi hasi genuen sindikatuan: sexu aniztasuna bermatzeko gida eta protokoloa osatu genituen langileen ordezkariek tresna bezala lantokietan erabili ditzaten; formakuntza saioak antolatu ditugu tresna hauen erabilera egokirako; apirilaren 26rako kanpaina burutu genuen lesbianak lantokietan ere ikusgarriak izan daitezen; Hazte Oir-en gorrotoaren autobusa Euskal Herrira sartu orduko, ongi etorriak ez zirela adierazi genien beste hainbat eragile sozial eta herritarrekin batera.

Ekainaren 28a kapitalismo larrosaz desitxuratu nahi dute, egun honen hastapenean, LGTBI+ mugimendua eta langileen arteko elkarlaneko borroka izan zen. LABetik aske eta duin bizitzearen alde borrokan jarraituko dugu, eta badugu plana sindikatuan, hori azaltzeko, ostegunean agerraldia egingo dugu.

 

 

 

AZKEN ALBISTEAK | ÚLTIMAS NOTICIAS

00:06:54

Langileen prekaritatea oinarri duen egoera sozioekonomikoa finkatzen ari da

Bizi baldintzen okertze estrukturala esparru ezberdinetan gauzatzen ari da, Ipar Hegoa fundazioak Ikusmiran argitalpenaren 18. alean jasotako datuek erakusten dutenez.

EH Bildu eta Sumar alderdiei kongresuan emendakina aurkezteko eskatu diegu, sektore publikoko soldata eta enplegua EAEn negoziatu daitezen

Estatuko azken hauteskundeetan EAEn ordezkaritza lortu zuten alderdi politiko guztiei sindikatuek egindako gonbidapenaren ondorioz egin dira gaurko bilerak. Gainerako alderdi politikoek gonbidapena ez onartzea edo erantzun ere ez egitea erabaki dute.
00:01:52

Rafahko sarraskiaren eta palestinar herriaren aurkako genozidioaren aurka atera gara kalera

Eguerdian elkarretaratze jendetsuak egin ditugu Hego Euskal Herriko hiriburuetan, S.O.S. Rafah. Genozidioa STOP lelopean, gehiengo sindikal zabalak deituta.