Oreretan kokatuta dagoen Okin taldeko Urkabe Benetan enpresako langileek bi orduko lehen lanuzte egun arrakastatsua egin dute gaur. 91 langilek egiten dute lan bertan eta jarraipen ia erabatekoa izan du lanuzteak.
Ekoizpeneko langile guztiek lanuztea egin duten arren, greba batzordea lantoki barrura bertaratu denean, ordea, bulegoko langile batzuk ekoizpenean lanean zeudela ikusi ahal izan du.
LABek Urkabe Benetango zuzendaritzaren jarrera salatzen du, eta Lan Ikuskaritzan salaketa aurkeztu dugu, greba eskubidearen funtsezko urraketa delako.
PasadenmartxotikdaramateenpresaitunanegoziatzenEnpresaBatzordea(LABeko3 kide eta ELAko 2) etaenpresa zuzendaritzak, enpresaren egoera ona izan arren, soldatak izoztu, antzinatasunak murriztu eta Aldi Baterako Enplegu Enpresen (ABLE) erabilpena kronifikatu nahi dute. LABentzat onartezina da ABLEen bidez, langileak erabili eta botatzeko mukizapiak modura tratatzea, eta aberastasuna banatu eta prekaritatea mugatzeko konpromisoak eskatzen dizkio zuzendaritzari.
Trikimailuak trikimailu, langileek borrokan jarraitzeko prestutasuna adierazi dute prekaritatearen kontra eta lan baldintzak hobetzeko, eta hortaz, hurrengo egunetan mobilizazioekin jarraituko dute:
-Abenduak 10ean bi orduko lanuztea.
-Abenduaren 13, 14 eta 15ean lau orduko lanuztea.
-Abenduaren 16 eta 17an egun guztiko greba.
Urkabe Benetanen prekaritaterik ez!