2024-06-25
HomeZerbitzu PribatuakErrepideakGreba egun gehiago egingo ditugu Artxandako tuneletan

Greba egun gehiago egingo ditugu Artxandako tuneletan

ELA eta LAB sindikatuok, Artxandako tunelak kudeatzen dituen Transbisa enpresan ordezkaritza izanik, beste lau greba egun iragarri ditugu, martxoaren 19, 20, 24 eta 26rako, 00:00etatik 6:00ak arte (18tik 19rako, 19tik 20rako, 23tik 24rako eta del 25tik 26rako gauak).

Deialdia etorri da akordiorik ez dagoelako lan-hitzarmenaren negoziazioan; hau 2014tik hona eguneratu gabe dago. Martxoaren 7an izan zen zuzendaritzarekiko azken bilera. Han ikusi genuen lan-hitzarmenaren inguruko akordioa urrun dagoela oraindik. Martxoaren 3ko bileraren ondoren, hiru greba egun izan diren arren, enpresa ia ez da mugitu; bere proposamena oso kaskarra izan da. Enpresak ez luke arazorik izan beharko langileen kolektiboa mobilizatzera daramaten helburuak adosteko; horregatik, ez dugu ulertzen aldarrikapenak neurtuak izan arren gatazka areago luzatzea.

Horregatik deitu ditugu lanuzte berriak; gainera, litekeena da grebak eta mobilizazioa epe laburrean gogortzea.
 

 

 

AZKEN ALBISTEAK | ĂšLTIMAS NOTICIAS

Ilundain gizarteratze eta laneratze enpresarekin adostu dugu bigarren hitzarmenak erosteko ahalmena bermatzea eta atxikimendu sozioafektiboa barne hartzea

Hilabete batzuetako negoziazioen ondoren, LAB sindikatuan —ordezkaritza sindikal osoa baitugu— akordioa lortu dugu Nafarroako Ilundain gizarteratze eta laneratze enpresarekin, bere bigarren hitzarmena sinatzeko. Hitzarmen horrek nabarmen hobetzen du aurrekoa, soldata taula osoan KPIaren igoera ziurtatzen du, eta, lehenbiziko aldiz, aukera ematen du langile bakoitzak ordaindutako baimenak lor ditzan ahaidetasunik gabeko pertsonen zaintzarako.

Zerbitzu publikoak indartzeko hitzetatik ekintzetara pasatzeko eskatu diegu EAEko erakunde eta alderdiei

Sindikatuok elkarretaratzea egin dugu gaur Espainiako Gobernuak Gasteizen duen ordezkariordetzaren aurrean, enplegua eta langile publikoen soldatak hemen erabakitzea aldarrikatzeko.

Duela hamar urte eroritako Nafarroako Industria Grafikoaren hitzarmen kolektiboa berreskuratzearen alde gaude

Gaur goizean Iruñean eman dugun prentsaurrekoan azaldu dugu Nafarroako Industria Grafikoaren hitzarmena 2014an erori zela, eta ordutik sektoreko langileen lan baldintzek nabarmen egin dutela okerrera. LABen uste dugu badela garaia tresna hura berreskuratzeko eta langileen baldintzak duintzeko; horregatik, udaren bueltan sektoreko intersindikala deituko dugu.