2024-03-19
HomeZerbitzu PublikoakGarraioaGogor salatzen dugu pertsonen berdintasunaren aurkako erlijio-publizitatea jarri dela Metro Bilbaoren geltokietan...

Gogor salatzen dugu pertsonen berdintasunaren aurkako erlijio-publizitatea jarri dela Metro Bilbaoren geltokietan eta kanpaina hori hortik berehala kentzeko exijitzen dugu

Metro Bilbaok baimendu du Asociación Católica de Propagandistas (ACdP) elkarte ultrakontserbadore baten kanpaina jartzea, non zalantzan jartzen baita emakumeen berdintasunaren aldarria, “konfrontazio faltsua” dela argudiatuz. 

LAB Metro Bilbaorentzat kanpaina horri oso eraso larria eta bortitza da, bete-betean, pertsona guztien berdintasunaren, kultu-askatasunaren eta ez-konfesionaltasunaren aurka, eta iragarki horiek Metro Bilbaoko publizitate-euskarri guztietatik berehala kentzeko exijitzen du.

Kanpaina hori ez da bateragarria Metro Bilbaok ustez aldarrikatu eta bere egiten dituen balioekin. Emakumeen eta gizonen artean izatezko berdintasuna sustatu eta lortzeko bidean erreferente izan nahi duen enpresa publikoak, horretarako IV. Plana garatzen ari den enpresak, ezin ditu horrelako mezuak onartu bere instalazioetan.

Borroka feminista zalantzan jartzen duen edozer Metro Bilbaotik kanpo geratu behar da. Gaur, martxoaren 8an, jarraituko dugu erakusten berdintasunaren aldeko borroka inoiz baino premiazkoagoa dela, eta egunero-egunero egin beharrekoa dela.

AZKEN ALBISTEAK | ÚLTIMAS NOTICIAS

Martxoaren 22an egingo da Gipuzkoako metalaren merkataritzaren hitzarmen kolektiboa berritzeko negoziaketa mahaia osatzeko bilera

Ostiral honetan, martxoaren 22an, Gipuzkoako metalaren merkataritzaren hitzarmen kolektiboa berritzeko negoziaketa mahaia osatzeko bilera egingo da. Hitzarmen honek 15 urte daramatza berritu gabe. LABen ideiak argi ditugu, ezinbestekoa da azken 15 urteetan sektoreko langileek galdutako eros ahalmena berreskuratzea eta lanaldia jaistea. Bi puntu hauek izango dira LABen helburu nagusiak.

Azkoitiko lan-zentroko ABEEEa bertan behera uzteko eskatu diogu Sidenorreko zuzendaritzari

Pasa den martxoaren 8an jakinarazi zigun Sidenor enpresako zuzendaritzak Azkoitiko eta Reinosako lan-zentroetan produkzio eta organizazio arrazoiengatiko Aldi Baterako Enplegu Erregulazio Espediente (ABEEE) bat martxan jartzeko asmoa zuela. Martxoaren 14an izan genuen negoziazio batzordea sortzeko eta dokumentazioa jasotzeko bilera.
00:02:19

Ezkerraldeko eta Meatzaldeko langileentzat lan eta bizi baldintza duinak aldarrikatu ditu LABek

Gaur, LABek deituta, ehunka lagunek Sestaoko kaleak hartuko dituzte, Ezkerraldeko eta Meatzaldeko langileentzat etorkizun duina aldarrikatzeko. Langileon lan eta bizi baldintzak borrokatzeko. Izan ere, bada denbora bat EAJk eta PSOEk Ezkerraldea zein Meatzaldea desindustrializatzeko estrategia martxan jarri zutela: ehun industriala suntsitu eta, trukean, zerbitzuen sektorea ezarri, logistikaren eta biltegiratzearen mesedetan.