2024-03-29
HomeUncategorizedGipuzkoako Metalgintzako Negoziazio Mahaia eratzeko ahaleginaren aurrean LABen oharra

Gipuzkoako Metalgintzako Negoziazio Mahaia eratzeko ahaleginaren aurrean LABen oharra

Gaurko, 2011ko azaroaren 29rako, Lan Harremanen Kontseiluak Donostian duen egoitzan Gipuzkoako Metalgintzako Hitzarmena berritzeko negoziazio mahaia eratzeko deialdia egina zen.

Hau azkenean ez da eratu, sindikatuok ez baitugu onartu patronala ordezkatuz, Adegirekin batera enpresa erakunde berri bat aipatu mahaira etorri izana. Gipuzkoako Metalaren Enpresarien Elkarte Probintziala izeneko erakundea da hau, aurtengo uztailean eratua, eta beren esanetan, Gipuzkoako Instalatzaile eta Mantentzaileen Enpresen Elkarteaz -INSTAGI- eta Gipuzkoako Automozio Enpresen Elkarteaz -AEGA- osatua.
LAB sindikatuak ez daki nortzuk diren ez eta zenbateko ordezkaritza dagokien enpresarien artean; aldiz, Gipuzkoako Metalgintza Hitzarmenaren negoziazio mahaian ordezkatuak gauden sindikatuok, langileek beren botoekin ematen diguten zilegitasunaren arabera ordezkatuak gaude.

Honela ba, dagozkion agiriak eskatu zaizkie enpresa erakundeak direla egiaztatzeko, eta bilera-egun berria adostu da, abenduaren 13rako, Metalgintza Hitzarmenaren Negoziazio Mahaia eratzeko.

Donostian, 2011ko azaroaren 29an. 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.