2024-06-24
HomeZerbitzu PublikoakZerbitzu SoziokomunitarioaGipuzkoako 3. adineko egoitza eta eguneko zentroko langileen erantzuna masiboa izan da...

Gipuzkoako 3. adineko egoitza eta eguneko zentroko langileen erantzuna masiboa izan da bigarren greba egunean ere

 

Gipuzkoako 3. adineko egoitza eta eguneko zentroko bigarren greba eguna ere arrakastatsua izaten ari da, langileen gehiengoak bat egin duelarik deialdiarekin.

Goizean murrizkeen aurka eta hitzarmen duin baten alde 100 bat autok parte hartu duen kotxe karabana eta elkarretaratzea egin dute Artzai Onean.

Arratsaldean ere elkarretaratzea egingo dute Bulebarrean 16:30etan. Bihar Hirugarren greba egunean, elkarretaratzea egingo dute Bulebarrean goizeko 11:30etan. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.