2024-02-28
HomeIndustriaMetalgintzaGezurretan oinarritutako kaleratzea eta mehatxuak Zornotzako WEC enpresan

Gezurretan oinarritutako kaleratzea eta mehatxuak Zornotzako WEC enpresan

Langile bat kaleratu eta gainerakoak mehatxatu ditu zuzendaritzak; gertatutakoa salatuko elkarretaratzea egingo da bihar eguerdian.
Gezurretan oinarrituta langile bat kaleratu eta mehatxu-estrategia abiatu dute Wallair Engine Components (WEC) enpresako arduradunek, eta hori salatzeko elkarretaratzea egingo du LABek bihar. Ormazabal taldekoa den Zornotzako lantegi honetan langile bat kaleratu dute "disziplinazko kaleratzea" argudiatuta; zuzendaritzak dio aipatu langileak ez zuela behar bezala errenditzen eta halakoetan beharrezkoak diren aurre-abisu guztiak eman dizkiola kaleratu aurretik.

Zuzendaritzak esandako hori guztia gezurtatu nahi dugu LABetik, ez baita egia. Ez langileak ez enpresa batzordeak ez dute bere inguruko kexa bakar bat ere jaso, kaleratzearen berri izan dute, besterik gabe. Beraz, kaleratzea gezurretan oinarritu dutela salatu behar dugu. Hori gutxi ez eta gainera, enpresaren esana betetzen ez duten beste langile guztiak ere kalera botatzearekin mehatxatu ditu enpresak. Hori guztia salatzeko elkarretaratzea deitu du LABek biharko, eguerdiko 13.30etan Zornotzan, enpresa atarian bertan.

AZKEN ALBISTEAK | ÚLTIMAS NOTICIAS

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.

Amazonen ereduak dakarrena salatu dugu BECen, greba egunen bezperan

Paketatze, banaketa eta garraio ereduak dituzte hizpide gaur eta bihar bitartean BECen, Barakaldon. Robotizazio, digitalizazio eta automatizazioak sortzen duen lan-eredua definitzen ari dira eta badugu eredu horretan adierazlea den ezaguna: Amazon multinazionala. Lan eredu berriak indarrez inposatu eta edozein hobekuntza negoziatzera uko egiten dion enpresa.

Osakidetzako zuzendaritzak ez du bermatzen EAGak irekita izatea oinarrizko plantillarekin

Atzo sindikatuetako ordezkariak, langileak eta herritarrak bildu ginen, EAGetan bizi dugun egoera salatzeko.