Azken asteetan mobilizazio fase luze bat aurrera eraman eta hainbat lanuzte eta greba egun egin ostean etorri da lorpena.
Beasaingo Fundiciones del Estandan enpresaren negoziaketarako borondatea oso eskasa izan da hasieratik, eta langile borroka ezinbestekoa izan da egoera iraultzeko. Hasieratik atzera pausuak proposatzen zituen enpresak langileen lan baldintzetan, eta ez zuen KPIa bermatu nahi, ez eta errelebo kontraturik egin ere.
Langileak greban zeudela enpresak esertzeko asmorik erakutsi ez bazuen ere, greba mugagabearen atarian hauek erakutsitako indarrari esker, negoziazioa mahaira ekartzea lortu dute.
Bada, aste honetan komitea (5 LAB, 2 ELA, 2 CCOO) deitu du enpresak, eta negoziaketa luze baten ondoren aurreakordioa erdietsi dute, gaur eguerdian langileen batzarrak berretsi duena. Hitzarmena lau urtetarako izango da. Horri esker, Fundiciones del Estandako langileek bermatua izango dituzte KPIa eta errelebo kontratua.
Borrokak merezi du!