Tren mantenimendua pribatizatzeko Euskotrenek hartutako erabakiaren aurrean eta bete gabe dauden egiturazko plazak bete daitezen exijitzeko Batzorde iraunkorrak mobilizazioak iragarri ditu maiatzaren 28tik hasita.
Tren mantenimendua pribatizatzeko Euskotrenek hartutako erabakiak langilego propio bitartezko tren mantenimenduarekin amaituko du epeka.
Enpresaren zuzendaritza eta CAFek sinatutako kontratu berriek 2020ra bitarteko luzamendua dakarte balizko luzamenduak barne, eta honek enplegu publikoaren desagerpena ekarriko du.
Bi tailerren sorrera (Abadiño eta Irun) eta unitate berrien erosketarekin (dena diru publikoz egina), unitate berrion mantenimendua CAFen esku uztea ebazten da, horretarako CAFek Euskotrenen tailerrak erabilita eta langilego propioa bazterrera utzita.
Enpresak mantenimendua jorratzeko trebatutako langile taldea du, eta gure ustez erabakiak baliabide publikoak xahutuko ditu, izan ere enpresa baten bitartez egingo den mantenimendua ez da doakoa.
Honengatik guztiagatik, Batzorde Iraunkorrak bete gabe dauden egiturazko plazak betetzeko exijitzen du, eta mantenimendua Euskotrenen langilegoak egin dezan.
Batzorde Iraunkorrak, egoera hau salatzeko, Euskotrenen langilegoa deitzen du honako mobilizazioetara bil dadin:
Maiatzaren 28an Atxurin goizeko 10:00etan.
Ekainaren 11ean Atxurin 16:30tan.
Ekainaren 25ean Atxurin goizeko 10:00etan.
Uztailaren 9an Atxurin 16:30etan.
Irailaren 3an Amaran goizeko 10:00etan.
Irailaren 17an Atxurin 16:30etan.
EUSKOTRENEN PRIBATIZAZIORIK EZ!!
