LAB Debaldeako kideek, hilabetero eskualdeko herri ezberdinetan egiten duten preso eta iheslarien etxeratzearen aldeko elkarretaratzea egin dute, gaurkoan Elgoibarko autopistako biribilgunean.
Lehenik eta behin gure doluminik sentikorrena adierazi nahi genieke duela egin batzuk bere etxetik 1000 kiloketrotara ziega batean bizia galdu zuen Xabier Rey euskal preso politikoaren senide eta lagunei. Xabier, salbuespenezko espetxe politika kriminal baten ondorioz hil da. Ez da zoriak eragindako heriotza bat izan azken hau, helburu horretarako diseinatuta dagoen espetxe politika baten ondorioa baizik. Azken heriotza honek eta aste honetan izan diren Kalera Kalerako partaideen atxiloketek, nabarmen erakusten dute, espainiar gobernuaren bakerako borondate eza. Eurak dira indarkeria poliziala, salbuespenezko legedia eta eskubide zibil eta politikoa darabilten bakarrak.
Egoera honen aurrean, ahalik eta jendarte esparru zabalena aktibatzea beste biderik ez zaigu gelditzen. Geroz eta gehiago gara euskal gatazka eta beronen ondorioak gainditzeko borondate osoz gabiltzanok. Hala ere, gero eta handiagoa den giza olatua sortu behar dugu injustizia hauen guztien kontra.
Hori dela eta, LAB sindikatuak, bat egiten du aste honetan gertatu diren atxiloketak salatzeko apirilaren 21ean Bilbon egingo den Manifestazio Nazionalarekin.
ASKI DA! EUSKAL PRESO ETA IHESLARIAK ETXERA! SALBUESPENEZKO LEGEDIA GELDITU!
