Rajoyren azken deklarazioen harira, errebalidak ondorio akademiko gabe geratzen direla eta, honakoa adierazi nahi du LABek. Rajoyk iragarri du "hezkuntzako akordio nazionala" lortu arte ez dutela zuzeneko eragin akademikorik izango DBHko eta Batxilergoko azterketek eta selektibitatearen lekua beteko du Batxilergoko probak.

Gauzak honela, LABek honakoa adierazi nahi du:

• Errebalidek ondorio akademikorik ez dute izango tituloa eskuratzeko baina LOMCEk ezarritako ebaluazio sistema bere horretan jarraitzen du, curriculuma, hezkuntza komunitatearen parte hartzea, etab. Hortaz, ezer gutxi aldatzen du, eta gainera, behin behinekotasunez.

• Erabaki hau “estatuko paktu nazional” baten klabeetan kokatzen da, Hego Euskal Herriko hezkuntzari ekarpenik egingo ez diona.

• Guk Akordioa nahi dugu, Euskal Herri osorako Hezkuntza sistema propioari bide emango dion oinarriak bilduko dituen hezkuntza akordio zabala.