2024-03-02
HomeNazioartea IdazkaritzaHitzaldiakEuskal borroka sindikala hizpide Italian

Euskal borroka sindikala hizpide Italian

Krisiaren aurka eta lan merkatuaren erreformen aurka hainbat ekimen ari dira burutzen Italian eta horiek areagotu egin dira Europako instituzioetatik inposatutako Montiren gobernuaren neurri ultraneoliberalak ezartzen hasi direnetik. Euskal Herrian burutzen ari garen borroka sindikala eredutzat daukate Italiako hainbat lekutan eta horren berri emateko hitzaldiak antolatu ditu Napolin hilaren 17an eta Milanon 19an Italiako Euskal Herrriaren Lagunak sareak (EHL).
LABen izenean sindikatuko Nazioarteko Idazkaritzako kide den Jon Etxebarria joan da Italiara euskal borroka sindikalaren gainean hitz egiteko.

Napoliko ekimenak Comitato "No Debito", Clash City Workers eta Collettivo Autorganizzato Universitario antolakundeekin batera antolatu du EHLak. Hiriguneko unibertsitatean egin da hitzaldia, Università Orientalen, eta ehun lagun bertaratu dira. Horien artean ikasle batzuk egon dira, baina, batez ere, langile eta langile kaleratuak hurbildu dira: kinka larrian dagoen ontziolako langileak, abenduan itxi berri duten autobusak ekoizten zituen FIATen zati den Irisbus (lehengo IVECO) lantegiko langile kaleratuak, irakaskuntzako eta garraio sektoreko delegatuak eta trenak eta aeronautikarako elementuak ekoizten dituen FINMECCANICA enpresa publikoko langileak eta langile kaleratuak, etab.

Milanoko hitzaldia Vitoria zentro sozial autogestionatuan antolatu dute eta hitzaldia entzutera 75 lagun joan dira eta oso parte-hartzailea izan da. Ekimenaren aurretik, LABeko ordezkaria logistika enpresa handi baterako lan egiten duten langile kaleratuekin bildu da.

Bi hitzaldietan langile borroka antolatuaren beharra azpimarratu du LABeko ordezkariak, eta herri langile bezala aurrera egiteko indar metaketa ezinbestekoa dela. LABen borroka eredua azaldu eta euskal herri langileak murrizketei emandako eta emango diren erantzun zabalen berri eman du (3 greba orokorrak, dekalogoa, mobilizazioak) LABeko kideak. Hitzaldiak oso parte-hartzaileak izan dira, galdera asko egin dituzte LABen borrokari buruz eta euskal askapen prozesuari buruz. Azkenik, hitzaldietan sortutako debateetan Europa mailan langile borroka hobeto artikulatzearen beharra agerian geratu da kapitalismoari benetan aurre egiteko alternatiba sortu ahal izateko. 

AZKEN ALBISTEAK | ƚLTIMAS NOTICIAS

Bidelanen hitzarmen kolektiboa sinatzea #LortuDugu

2023ko urtarrilean hasi zen negoziazioaren ondoren, Bidelan AP8n hitzarmena sinatu dugu 4 urterako, 2023/2026rako, LAB buru duen batzordearen eta Bidelan enpresaren artean.

Zaintza, enplegua eta ondasunaren banaketa aldarrikatu ditugu Gasteizen, Martxoaren 3ko sarraskiaren 48. urteurrenean

Ekitaldia egin du LABek Gasteizen, Martxoaren 3ko sarraskiaren 48. urteurrenean, Enbor beretik sortuko dira leloarekin. GarbiƱe Aranburu koordinatzaile orokorrak adierazi du 1976 hartan jaio berria zela sindikatua: ā€œHasieratik argi izan genuen gure lekua non zegoen. 76ko martxoaren 3aren parte izan ginen eta LABentzat urtemuga garrantzitsua izaten jarraitzen duā€.

Natra OƱatin aurreakordioa #LortuDugu

Natra OƱatin aurreakordioa lortu dugu. 2022tik hitzarmena berritu gabe pasa eta gero, 2023 osoa negoziatzen egon ondoren, eta enpresaren aldetik mespretxua besterik jaso ez dugun honetan, gaur, 2024ko martxoaren 1ean, aurreakordio bat sinatzera iritsi gara bi aldeak.