2024-03-03
HomeErrepresioaEstatu antidemokratiko batean bakarrik gertatu daiteke Altsasuko gazteak bizitzen ari diren injustizia

Estatu antidemokratiko batean bakarrik gertatu daiteke Altsasuko gazteak bizitzen ari diren injustizia

Mobilizaziorako deia egiten dugu, eraso berri honen aurka kalera ateratzera, gaur, Iruñeko Udal plazan egingo den elkarretaratze zaratatsuan parte hartuz, 19:30etik aurrera.

Audientzia Nazionalak 13 urterainoko zigorrak berretsi ditu gaur Altsasuko gazteentzat. Terrorismo deliturik egozten ez badie ere, salatu beharrekoa iruditzen zaigu urtetako zigorren desproportzioa. LAB sindikatutik gure babesa eta elkartasun osoa Altsasuko gazteei, haien hurbilekoei eta Altsasuko herriari. 2016az geroztik tabernako liskar bati lotuta atxilotuak izan zirenetik, muntaia polizial eta judizial baten biktima diren gazteak. Gure babesa ere, haien senitartekoei eta Altsasuko herriari. Muntaia mediatiko, judizial eta polizial itzelaren aurrean emaniko erantzuna txalogarria izan delako.

Zentzugabekeria juridikoa da. Baina ez da justizia itsua. Justizia malgua eta ona da aberatsekiko, boterea dutenekiko, eta zigortzailea bezain ankerra gazteriarekiko, langileokiko.

Ez da epaiketa justua izan, ez proportzionatua. Errugabetasun-presuntzioa, defentsarako eskubidea eta epaile naturalaren eskubidea, guztiak urratu dizkiete. Aurrez idatzitako gidoiaren araberako sententziak izan dira.

Estatu antidemokratiko batean bakarrik gertatu daiteke Altsasuko gazteak bizitzen ari diren injustizia. Ez dugu estatu antidemokratiko batean bizi nahi. Ez dugu horrelako injustiziarik jasan nahi, beharrezkoa dugu hemen, Euskal Herrian, benetako justizia eta demokrazia eraikitzeko apustu garbi bat egitea.

Nafarroako gizarteak aspaldi absolbitu zituen gazteak. Eta guk ere Altsasuko kaleetan, aske nahi ditugu. Justua eta justiziazkoa delako, eta ezin bestekoa, Euskal herrian benetako demokrazia ezartzeko.
 

 

 

AZKEN ALBISTEAK | ƚLTIMAS NOTICIAS

Bidelanen hitzarmen kolektiboa sinatzea #LortuDugu

2023ko urtarrilean hasi zen negoziazioaren ondoren, Bidelan AP8n hitzarmena sinatu dugu 4 urterako, 2023/2026rako, LAB buru duen batzordearen eta Bidelan enpresaren artean.

Zaintza, enplegua eta ondasunaren banaketa aldarrikatu ditugu Gasteizen, Martxoaren 3ko sarraskiaren 48. urteurrenean

Ekitaldia egin du LABek Gasteizen, Martxoaren 3ko sarraskiaren 48. urteurrenean, Enbor beretik sortuko dira leloarekin. GarbiƱe Aranburu koordinatzaile orokorrak adierazi du 1976 hartan jaio berria zela sindikatua: ā€œHasieratik argi izan genuen gure lekua non zegoen. 76ko martxoaren 3aren parte izan ginen eta LABentzat urtemuga garrantzitsua izaten jarraitzen duā€.

Natra OƱatin aurreakordioa #LortuDugu

Natra OƱatin aurreakordioa lortu dugu. 2022tik hitzarmena berritu gabe pasa eta gero, 2023 osoa negoziatzen egon ondoren, eta enpresaren aldetik mespretxua besterik jaso ez dugun honetan, gaur, 2024ko martxoaren 1ean, aurreakordio bat sinatzera iritsi gara bi aldeak.