Gaur, Eusko Jaurlaritzak jardunaldi bat antolatu du Bilbon, Confebask, CCOO eta UGTren parte hartzearekin, besteak beste. “Lan-harremanen gobernantza: hiru alderdiko eta bi alderdiko dimentsioak” da bere izenburua eta soilik erantzuten dio esistitzen ez den elkarrizketa soziala berpiztu eta bere garapenerako tarterik ez duen tresna bihurtzen duten sakoneko arrazoiak baztertzea da. Jardunaldia gainera, elkarrizketa sozialaren inguruan gobernuak berriki aurkeztu duen dekretu-proposamenarekin batera dator. Honen edukiak hainbat sindikaturen kritikak jaso ditu, euren artean LABenak, batez ere Lan Harremanak eta Babes Sozialerako Euskal Esparrua lortzeko bere konpromiso faltagatik, baina baita bere osaera eta erabakiak hartzeko moduari buruz, euskal gehiengo sindikalaren ordezkaritza bertan behera utzi nahi duena.
Porrot egin du Elkarrizketa Sozialeko Mahaiak, batetik patronalaren interesei soilik erantzuten dielako, diru gehiago irabazteko helburu bakarrarekin langileen lan eta bizi-baldintzak prekarizatu nahi duena, eta bestetik, ontzat ematen du estau mailako esparrua, ez nahikoa dena, agortuta dagoena eta patronala eta botere politikoek nahieran erabiltzen dutena.
Euskal Herriko langileok egun bizi dugun prekarietate eta pobretze egoerak Lan Harremanak eta Babes Sozialerako Euskal Esparrua lortzea behar du, herritarren zerbitzura egongo diren politikei ekingo diena.
Elkarrizketa sozialaren dekretu-proposamenarekin eta gaur egiten den jardunaldia bezalakoen antolaketarekin, Eusko Jaurlaritzak berbiztu egin nahi du Elkarrizketa Sozialeko Mahaia, patronalaren estatuei soilik erantzuten diena eta estatu mailako esparruari lotuta dagoena, ez diena langileriaren arazoei erantzungo.
Eskuduntza osoak behar ditugu politika propioak martxan jartzeko, prekarietatea eta pobretzeari aurre egingo dietenak. Horrek izan behar du Eusko Jaurlaritzaren helburua, eta ez hilda eta lurperatuta dauden foroak sortzea.