2024-02-27
HomeEkintza SozialaEskubide Sozialen KartaEskubide Sozialen aldeko jardunaldiak Oarso-Bidasoan

Eskubide Sozialen aldeko jardunaldiak Oarso-Bidasoan

Euskal Herriko Eskubide Sozialen Kartak datorren otsailaren 10an eskubide sozialen aldeko jardunaldiak burutuko ditu Oarso Bidasoan. Jardunaldietan, Eskubide Sozialen Kartaren informazioa jasotzeaz gain, eskubide sozialen inguruko gai ezberdinak ezagutzeko ekimen ezberdinak izango dira: hitzaldiak, bideo emanaldiak…

JARDUNALDIEN EGITARAUA

Otsailaren 10ean AURKEZPENA Orereta. 18:30-20:30 Xenpelar Etxea

– Eskubide Sozialen kartaren aurkezpena
– “In Transition” dokumentala. Eskubideak aldarrikatzearekin batera aurrera eraman ditzakegun zenbait egitasmo ikus ditzakegu, eskubideak gauzatzeko bideak, alegia.

Otsailaren 17an ESKUBIDE EKONOMIKOAK. Orereta. 18:30-20:30 Xenpelar Etxea

Atal honi dagokion aurkezpena
Banka etikoa, tokian tokiko moneta eta antzeko aukeren inguruko solasaldia Beñat Irasuegiren laguntzaz.

Otsailaren 19an ELIKADURA BURUJABETZA ETA EREDU SOZIALA. Oiartzun. 18:30-20:30 Udaleko pleno aretoa

Ingurumen eskubideei buruzko aurkezpena.
Esperientzi ezberdinetan ari diren lagunekin mahai ingurua: Errigora (EH), Ekolapiko (Oiartzungo haur eskola), Basherri (Gipuzkoa), Arraztalo kontsumo elkartea (Oiartzun).

Otsailaren 24an HEZKUNTZA ESKUBIDEAK. Orereta. 18:30-20:30 Xenpelar Etxea

Atal honi dagokion aurkezpena.
Egungo egoerari buruzko mahai ingurua: LOMCEren ezarpena, Heziberri, Gure Hezkuntza Sistema eraiki… ELA, LAB, STEILAS sindikatuak eta Hezkuntza Plataformen Topagunea.

Otsailaren 26an ETXEBIZITZA ESKUBIDEAK. Irun. 18:30-20:30 hospital zaharra

Atal honi dagokion aurkezpena.
Esperientzi ezberdinei buruzko azalpenak eta iritzi trukaketa.

Beraz, egitarau zabal hau jarri nahi dugu zuen eskura eta bertaratu zaitezten gonbitea luzatzen dizuegu, eskubide sozialak lortzeko bidean guztion parte hartzea ezinbestekoa baita.

Egungo eredu sozialak balio ez digulako, izan zaitez aldaketaren parte aktibo!
 

 

 

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.