2024-03-28
HomeEkintza SozialaEskubide Sozialen KartaEskubide sozialen alde eta M14ko manifestazioaren garrantzia aldarrikatzeko giza katea Bilbon

Eskubide sozialen alde eta M14ko manifestazioaren garrantzia aldarrikatzeko giza katea Bilbon

Martxoaren 14an Euskal Herriko Eskubide Sozialen Kartak manifestazioak deitu ditu Bilbo eta Iruñean, “Aldaketa soziala orain, ¡tenemos alternativas!” lemapean. Gaur, eskubide sozialetan aldaketarako alternatiba badela aldarrikatzeko eta M14ra deituz giza katea egin du Bilbon. 11:30ean hasi da mobilizazioa, Eusko Jaurlaritzaren parean.

Hasi aurretik, komunikabideen aurrean adierazpenak egin dituzte Kartaren koordinazio nazionaleko kide diren Ana Pérez eta Txejo Ortegak. Hemen entzun ahal dituzue:

Ana Pérez (euskaraz)
Txejo Ortega (gaztelaniaz)

Bidean murrizketen kontrako oihuak entzun ahal izan dira, eta alternatiba eta Karta Sozialaren aldekoak. Gran Vian zehar, Bizkaiko Foru Aldundiaren egoitzaren parean amaitu da mobilizazioa. Bukaerako interbentzioan, M14an kaleak betetzeak duen garrantziaz jabeturik, aldaketa soziala eta alternatibaren aldeko manifestazioetan parte hartzeko deia egin dute.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.