Galizako Central Unitaria de Traballadores y Traballadoras sindikatuaren ordezkaritzarekin bilera bat izan dugu Bilbon, gure egoitzan. LAB sindikatuko Garbiñe Aranburu idazkari nagusia eta Koldo Saenz Nazioarteko Harremanetarako idazkaria Galizako CUTeko idazkari nagusi Ricardo Castro, Nazioarteko Harremanetarako idazkari Manolo Camaño eta Nazioarteko Harremanetako arduradunaren ondoko Laura Sousarekin bildu dira.
Bileran bi sindikatuok pandemiak utzi digun testuinguru politikoa, ekonomiko eta soziala eta estaturik gabeko nazioetako sindikatu soberanistetatik eraldaketa politiko eta sozialak nola bultzatu aztertu dugu.
Bileran hitz egindakoaren harira, LAB sindikatua eta Galizako CUT-ek eraldaketa sozialerako prozesu soberanistak aktibatzeko beharra azpimarratu dugu, eta, norabide horretan aliantza ezberdinak eraikitzearen beharra ikusita, zubiak eraikitzen joateko konpromisoa berretsi dugu.