Kelvioneko langileak mobilizatzen hasi dira, eta, gaur, abenduak 5, lehen greba eguna egin dute. Grebak erabateko jarraipena izan du. Enpresa komiteak mobilizazioekin jarraitzeko asmoa du, egungo lan baldintzen errespetua eta lanpostuen bermea ziurtatu arte. Arratsaldean erabakiko dira hurrengo mobilizazioak.
Igorren dagoen Kelvion Thermal enpresan 96 lagunek egiten dute lan. Siderometalurgia sektorerako egiten du lan enpresak, eta enpresa komiteak LABeko hiru ordezkari ditu eta ELAko bi.
Duela bi hilabete, kanpoko zuzendaritzako kide batek enpresako gerentea ordezkatu zuen, langileen lan baldintzetan murrizketak ezartzeko asmoz. Neurrien artean, aurreikusten dute urteko soldata %20 eta %30 artean murriztea. Enpresak %10 jaitsi nahi du oinarrizko soldata, baita enpresako hitzarmenaren deskuelge bat egin ere Siderometalurgiako Industriako Bizkaiko Hitzarmen Sektorialaren gainetik dauden edukietan.
Komiteak proposamen bat egin du 2020rako, non langileek ez lukete erosmen ahalmenik galduko eta non exijitzen zaion zuzendaritzari enpleguarekiko konpromiso bat eta inbertsio eta lan antolaketa plan sendo bat.
Enpresako zuzendaritzak kaleratzeekin erantzun dio proposamenari. Kaleratze batek 52. Artikuluan du oinarria, baja hartzeagatik lan absentismoa aitzakia hartuta.