2023-12-04
HomeEkintza SindikalaEnpresak berriro galdu du Olazabal y Huarteko gatazka konpontzeko aukera

Enpresak berriro galdu du Olazabal y Huarteko gatazka konpontzeko aukera

Langileen funtsezko aldarrikapenak ez ditu aintzat hartu Gasteizko lantegiko zuzendaritzak, eta, ondorioz, greba mugagabeari eutsiko diote.

Langileak aurrera eramaten ari den borrokaren ondorioz, enpresak bilera bat proposatu zuen, atzo egin zena. Bilera horretan, enpresak aukera bat galdu du berriro uztailean, negoziazioaren blokeoagatik, hasi zen lan-gatazka konpontzeko. Proposamenak trukatu ondoren, enpresak bazter utzi ditu plantillarentzako funtsezkoak diren aldarrikapenak, erosteko ahalmena bermatzen ez duten eta KPIari erreferentzia egiten ez dioten igoerak planteatu baititu. Gainerako edukiei dagokienez, aurrerapenen bat edo beste ikusi ahal izan den arren, oraindik ez dira nahikoak.

Orain arteko greba-jardunaldien ondoren, langileek beren aldarrikapen nagusiei eusten diete, eta argi daukate plantillaren borrokak baino ez duela mugiaraziko enpresaren zuzendaritza. Horrek izan behar du bidea, ez baitaude eros-ahalmenaren galera onartzeko prest.

Horrenbestez, greba mugagabeari eutsiko diote, eta greba-egun guztietan kontzentrazioak egingo dituzte, orain arte bezala. Irailaren 28an, osteguna, 12:00etan elkartuko dira Gasteizko Legebiltzarraren aurrean, eta ostiralean, hilak 29, Andre Maria Zurian izango dira goizeko 11:00etatik aurrera.

AZKEN ALBISTEAK | ĂšLTIMAS NOTICIAS

Nafarroako landa eremuko langileek sektoreko prekaritatea behingoz amai dadila exijitu dute Iruñean

Landa-eremuko langile gehienak migratzaileak dira, beste herrialde batzuetatik datoz, eta Nafarroako lurra lantzen dira, guztiok jan ditzagun hainbeste harrotasunez aipatzen ohi ditugun barazki fresko horiek. Nafarroan gero eta talde handiagoa da, baina haien egoera ahulak patronala baliatzen du haiek ustiatzeko.

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.