2024-02-28
HomeZerbitzu PribatuakOstalaritzaEnplegu suntsiketaren aurka mobilizazioa deitu du EURESTeko enpresa batzordeak azaroaren 5erako

Enplegu suntsiketaren aurka mobilizazioa deitu du EURESTeko enpresa batzordeak azaroaren 5erako

Azkenengo hilabeteetan Eurest enpresan enplegu suntsiketa dakartzaten neurri ezberdinak hartzen ari dira: finko izatetik finko etena izatera pasatzea, lan jardunaldiaren murrizketa, ordezkoak kontratatzerakoan ordezkatzen duten langilearen jardunaldia baino gutxiago kontratatzea, eta larriena kalerapenak. 

Enpresak arrazoi bakar bat eman du neurri guzti hauen aurrean: mundu mailako krisia dela eta, eta Euresten egon daitezkeen irabazien gutxitzearen aurrean hartzen dituzten badaezpadako neurri batzuk. 

EURESTeko Langileon Komiteak egiten duen irakurketa
Ez daude diren guztiak

«- Azpimarratzekoa da, duen larritasuna kontutan hartuta, badaezpadako neurriak izatea. Eurestek ez ditu galerak, baina irabaziak mantentzeko, neurri hauek hartzen ari da.

– Honetaz gain, kanalerapenen aurrean istilurik ez egoteko neurriak hartu ditu. Kalera doana, aukerarik ez duela, gainera “pozik” joan dadila.

– Argi esan behar dugu Eurest egoeraz baliatzen ari dela langileon lan baldintzak erasotzeko. Hainbeste tokitan gertatzen ari den bezala, egoera hau sortu duten enpresariek “krisia” aitzakiatzat hartuta, beraien irabaziak mantentzeko edota handitzeko, langileon eskubideak eta borrokaren bidez lortutako baldintzak gutxitzen saiatzen ari dira.

– Honen atzean zera dago: batzuk dirua pertsonen aurrean jartzen dituzte. Enpresarien pribilegioak ez gutxitzeko, langileon bizitza suntsitzea berdin die.

– Euresteko Komiteak ez du onartzen neurri multzo hau. Edozein enplegu suntsiketarik ez dugu onartzen, lan baldintzen prekarizaziotik kanalerapenetara. Eta guretzako ez du balio enpleguaren suntsiketa diruarekin konpentsatzea.

Honen aurrean, Euresteko Komiteak langileei bere iritzia helaraziko die. Honetaz gain, Euresteri bere desadostasuna agertuko dio eta ekimen ezberdinak burutzeari ekingo dio, hauen artean kanalerapen guztiak, mobilizazioen bitartez salatzen hasiko da. Langileon kontrako erasoak geratzeko modu bakarra mobilizazioa baita.

Hau dela eta, Euresten enpresan burutuko dugun mobilizaziora deitzen zaituztegu. Hau Azaroaren 5an eguerdiko 12:00tan izango da.

EURESTeko LANGILEON KOMITEA»

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.