2024-02-28
HomeGaituakEnplegu babestuaren aldeEnplegu babestuaren alde elkarretaratzea Iruñean

Enplegu babestuaren alde elkarretaratzea Iruñean

Atzo, azaroak 9, enplegu babestuaren defentsan CCOO, ELA, LAB eta UGT sindikatuek deituta enplegu zentro berezi, zentro okupazional eta lan munduan txertatzeko zentroetako ordezkarien asanblada burutu zen Iruñean. Ondorenean elkarratatzea egin zuten Parlamentuaren aurrean.
Zentro hauek langile ezgaituentzat eta lan merkatuan sartzeko zailtasunak dituzten langileentzat enplegurako berme bakarra izan dira eta egun euren bideragarritasuna arriskuan dagoela salatu dute.

Lan merkatuan sartzeko zailtasun bereziak dituen langileria babesten duen sistema bakarraren galera saihesteko premiazko neurriak osatzen dituen dekalogoa osatu dute eta Parlamentuaren aurrean Nafar Gobernuari bere gain hartzea eskatu dio. Hurrengo astetan aldarrikapen berarekin mobilizazio gehiago aurreikusten dira.

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.