2024-03-29
HomeIndustriaMetalgintzaElgetako CIE Alurecy enpresako langileek greba mugagabeari ekin diote

Elgetako CIE Alurecy enpresako langileek greba mugagabeari ekin diote

Gaur irailaren 16, astelehena, Elgetan kokatutako CIE AUTOMOTIVE Taldeko CIE ALURECY enpresako langileek greba mugagabeari ekin diote, langileek batzarrean aho batez hala erabakita.

Autogintza sektorearentzat lana egiten duen lantoki honetan egun 19 langile daude lanean, eta LABek du ordezkaritza. Urte amaieran lantokia ixteko asmoa azaldu zuen zuzendaritzak ekainean eta ordutik egondako bileretan ez da apenas ezer aurreratu.

Urteetan CIE AUTOMOTIVE TALDEAK lan kargak beste lantokietara desbideratzen egon dira, eta CIE AUTOMOTIVE TALDEAK lortutako lan berririk ez dute Elgetako lantokira eraman orain lantokiaren itxiera aurkeztu ahal izateko. Langileen eskaerari entzungor egin eta zuzendaritzak momentuz ez du atzera egiten lantokia ixteko asmoarekin.

Hori gutxi balitz, enpresa ixteko horren denbora gutxi gelditzen den honetan, zuzendaritzak ez du CIE AUTOMOTIVE TALDEKO beste lantokietan langileak birkolokatzeko bermerik ematen, eta, honen aurrean, langileek greba mugagabean hastea erabaki dute.

Mobilizazioak direla eta, bihar asteartean, irailak 17, elkarretaratzea egingo dute, 12:00etan, Elgetan, lantegiaren aurrean.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.