2024-02-29
HomeMurrizketakELA, LAB, HIRU eta EHNEk elkartasuna adierazten diote gose greban den Jose...

ELA, LAB, HIRU eta EHNEk elkartasuna adierazten diote gose greban den Jose Mari Lejardi “Gabixola”-ri

Maiatzaren 1ean Jose Mari Lejardi “Gabixola” garraiolariak gose greba bati ekin zionherriak eta konkretuki garraiolariak sufritzen ari diren egoera salatzeko, eta irtenbide bat bilatu nahian. ELA, LAB, HIRU eta EHNE sindikatuek bere elkartasuna adierazi diote.

ELA, LAB, HIRU eta EHNE elkartasuna adierazten diote Jose Mari Lejardi “Gabixola”-ri

ELA, LAB, HIRU eta EHNE sindikatuentzat, pairatzen ari garen krisi egoera hau hasi zenetik, borroka da gure tresna nagusia egoerari buelta emateko, eta langileak eta Euskal Herriko herritarrak kontutan dituen eredu sozial eta ekonomiko berri bat lortzeko. Gure borroka arlo konfederalean, sektoreetan, enpresetan eta beste hainbat eremutan daramagu aurrera, herri honetako gizon eta emakumeekin konpromiso irmo bat hartuz.

Maiatzatik, borroka honetara beste “eragile” bat batu zaigu, Jose Mari Lejardi “Gabixola”. Garraiolari honek, gose greba bat hasi zuen maiatzaren 1ean, herriak eta konkretuki garraiolariak sufritzen ari diren egoera salatzeko, eta irtenbide bat bilatu nahian. Hau da, duintasuna berreskuratzeko eta, borroka tresna erabiliz, inposatzen ari zaigun eredu neoliberal honi aurre egiteko eta egoera garaitzeko.

Lau sindikatuok ozen esaten dugu borroka hau gurea ere badela, eta babesa ematen diogula “Gabixola” egiten ari den ibilbideari.

Pasa den larunbatean Euskal Herriko Karta Soziala onartu zen. ELA, LAB, HIRU eta EHNErentzat, egoerari buelta emateko behar dugun ezinbestezko tresna. Horrexegatik, Karta babestu, garatu eta aurrera ateratzeko konpromiso osoa hartu dugu, bera izango baita, guztion borrokatik abiatuta, justizia sozialean eta elkartasunean oinarrituta eraiki behar dugun etorkizun berri baten sortzaile eta bermatzaile.

“Gabixola” lagun borrokalariari, sortu berri den Karta Sozialera gerturatzea eskaintzen diogu, bertan, eta guztiok elkar hartuta, borrokarekin jarraitzeko, herri honetako langileak behar dugun eredu sozial berria lortu arte.

 

 

 

AZKEN ALBISTEAK | ÚLTIMAS NOTICIAS

Greba egun arrakastatsua Amazonen, enpresak langileen asmoei jaramonik egiten ez dien bitartean

Gaurko greba egunaren balorazioa oso positiboa da, parte-hartzea erabatekoa izan dela esan dezakegu. Plantilla finkotik arduradun gehienak sartu dira, baina kontuan izan behar da arduradunek ez dutela pakete bat bera ere ukitzen, eta, beraz, oinarrizko langileek ez badute lan egiten Amazoneko operatiba guztia ez da ateratzen.

SKOLAEren kontrako azken erasoa salatzen dugu

Administrazioari eskatzen diogu har ditzala beharrezko neurriak ikastetxeetan aniztasunaren aldeko programa hau aurrera eramaten dela bermatzeko. Hezkidetzan eta feminismoan oinarritzen den programaren aurkako enegarren erasoa da hau, eta LAB sindikatuan ez dugu onartuko horrelako eraso gehiagorik!

Envases multinazionalak 68 kontratu iraungitzeko Enplegu Erregulazio Espedientea aurkeztu du

Envases Universal 7 lantoki dituen multinazionala da, horien artean Ugaokoa, 108 langile dituena. 2023ko uztailera arte lantoki hori Domiberiarena izan zen, harik eta Envases Universal enpresak ordura arte Domiberiarenak ziren lantokiak erosi zituen arte, hain zuzen ere. Aste honetan, multinazionalak Enplegua Erregulatzeko Espedientea aurkeztu du, Ugaoko eta Montmeloko zentroen artean 68 lanpostu iraungitzeko ekoizpen- eta antolaketa-arrazoiak argudiatuta.