2024-02-28
HomeEkintza SindikalaEkainaren 21ean mobilizazio konfederala Negoziazio Kolektiboaren alde LAB, CCOO, UGT eta ESK...

Ekainaren 21ean mobilizazio konfederala Negoziazio Kolektiboaren alde LAB, CCOO, UGT eta ESK sindikatuek deituta

LAB sindikatuak atzo egindako agerraldian mobilizazio proposamena helarazi zien gainerako sindikatuei. Planteamendu haren harira, honakoa da LAB, CCOO, UGT eta ESK sindikatuon artean adostu duguna: Ekainak 21, greba Araba, Bizkaia eta Gipuzkoakoa metalgintzan. Halaber, mobilizazio egun horretan, uztailaren 7an hitzarmena iraungitzen zaien sektore guztien konfluentzia ematea.

Manifestazioak Bilbon, Donostian eta Gasteizen, “Gure hitzarmen sektorialen eta enpresa hitzarmenen alde”. Deitzaileontzat marko sektoriala eta enpresa mailakoa, biak dira negoziazio markoak, horretan bat gatoz, bi eremu osagarri direla irizten baitugu.

Era berean, ados gaude hitzarmenek ondorengo gutxieneko edukiak izan behar dituztela esaterakoan:

-Soldata igoerak KPIaren araberakoak edo KPIari lotutako erreferentziaren araberakoak.

-Lan erreformari galga jartzen dioten klausulak, ultraktibitatearen gisako gaietan, erreforma mugatuko duten formulak planteatuz , baita deskuelgeari dagokionez ere, derrigorrezko arbitraia baztertuz, aldeek borondatez horrela erabakitakoa ez bada.

Eduki horiek dituzten hitzarmenak errealitate bihur daitezen mobilizatu beharra dago patronalaren blokeoaren aurka. Horregatik konpromisoa hartzen dugu mobilizatzen jarraitzeko aukera aztertzeko.

LABek jada egin du deialdia datorren ekainaren 28rako; oraingoz proposamen hori mahai gainean dago eta aztertzen ari dira uztailaren 7an iraungiko diren hitzarmen guztietan.

Negoziazio kolektiboaren defentsan, proposamen integrala da egindakoa:

-Negoziazio esparru guztiak babesten ditu, ahalik eta langile gehienek izan dezaten aukera beren eremuan soldatak eta lan baldintzak negoziatzeko.

-Negoziazioan eduki minimo batzuk bermatuko dituen proposamena da.

-Bideragarria izateko, mobilizazioan oinarrituko den proposamena.

Helburua da fronte komun bat artikulatzea patronalaren blokeoaren aurrean. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.