2024-04-16
HomeEkintza PolitikoaEhunadaka enpresa komite, eragile eta norbanakok bat egin dute enpleguaren aldeko mobilizazioekin

Ehunadaka enpresa komite, eragile eta norbanakok bat egin dute enpleguaren aldeko mobilizazioekin

Enpleguaren defentsan martxoak 9rako deitutako manifestazioak Euskal Herri osoko ehundaka enpresetako milaka langileren babesa jaso du. Deitzaileek, Borrokan dauden Langile Batzordeak, poztasunez hartu dute deialdia dinamika bateratzaile bezala ulertu delako, hori adierazten baitu enpresa komite “asko eta askotan” aho batez atxikimendua eman izana.

Sektore oso ezberdinetako enpresa eta langileak egin dute bat Bilbo eta Iruñeako mobilizazioekin. Eragile sozialen aldetik ere sustengu garrantzitsua jasotzen ari da, besteak beste, bazterketa sozialaren kontrako Berrio Otxoak edota Desjabetzen Kontrako Stop Desahucios taldeak.

Norbanakoen aldetik ere jasotako babesa aipagarria da, eremu ezberdinetako jendeak egin duelarik bat mobilizazioen arrazoiekin; irakasleak, ekonomilariak, idazleak, kirolariak… 

Gasteizko Gobernuari mezua
Deiatzaileek Gasteizko Gobernuak aplikatu nahi duen jardunaldia luzatzeko dekretua salatu nahi izan du prentsaurrean, jardunaldia luzatzea “Langileen kontrako erasoa izateaz gain, enpleguaren kontrako eraso zuzena” baita.

Lana banatzearen garrantzia azpimarratu dute eta Gasteizko Gobernuak hartutako erabakia horren kontrajarrian dagoela salatu dute. Honelako erabakiak hartzen dituen Gobernu baten aldetik langileok ezer gutxi espero dezakegula gaineratu dute, “lanean zein langabezian gaudenak”.

Honelako politikak salatzeko larunbatean Bilbo eta Iruñean enpleguaren defentsan izango diren manifestazioetan parte hartzeko deia luzatu dute berriz ere. Bilbon Jesusen Bihotzean 17:30etan eta Iruñean 18:00etan Autobusetatik.
 

    

AZKEN ALBISTEAK | ĂšLTIMAS NOTICIAS

Mobilizazioekin hasi gara Aulasa enpresan, hitzarmen duin baten alde

Oletako metalgintza lantegiko beharginek duela ia urte erdi abiatu zituzten negoziazioak erabat blokeatuta dauzka enpresak.

Correos kondenatu dute langile bati kalte moralak egiteagatik #LortuDugu

Gasteizko Lan Arloko 3. zenbakiko Epaitegiak 1.500 euro ordaintzera kondenatu du Sociedad Estatal Correos y Telégrafos SA. Lehen aldiz kondenatu dute enpresa hau kalte moralengatik, langile bati ospitaleratzerik gabeko ebakuntza kirurgikoagatiko baimena ukatzeagatik.

Gautenaren Urdinduz Martxa Solidarioarekin bat egin genuen atzo, hitzarmen duinaren garrantzia nabarmenduz

Apirilaren 14an, Gautenako komunitateak Autismoaren Espektroaren Nahasmendua (TEA) kontzientziatzeko eta ikusarazteko martxa solidarioa egin zuen, Urdinduz. Jai giroan, Gautenako langileen batzordeak bat egin zuen ekimen horrekin.