2023-12-10
HomeUncategorizedEAEko Gizarte Ekimeneko lan hitzarmena indarrean jarraitzen duela dio TSJPVk

EAEko Gizarte Ekimeneko lan hitzarmena indarrean jarraitzen duela dio TSJPVk

Urriaren 25ean, TSJPVn Gizarte Ekimeneko lan hitzarmenari buruzko epaiketa izan zen eta atzo, TSJPVk lan hitzarmenaren indarraldiaren inguruko sententzia jakinarazi zuen. Bertan, langileei arrazoia emanez, orain arte EAEn Gizarte Ekimeneko lan hitzarmena indarrean jarraitzen duela dio; beraz, Estatuko lan Hitzarmena ez da berton aplikatu behar.

Honen aurrean, LABek argi du, orain arte erabilitako argudioek une honetan indar handiagoa dutela; hau da, Gizarte Ekimeneko lan hitzarmena indarrean egon behar duela beste lan hitzarmen berri bat izan arte. Hala ere, uztailean PRECOn esan genuen bezala, LABek zera aldarrikatzen du, konponbidea bilatu behar dela eta negoziazioarekin hasi beharko dugula. Ez ditugu inposiziorik onartuko, negoziazio kolektiboa akordioak lortzeko bidea da.

LAB sindikatuak argi dauka bere lehentasuna: Euskal Herriko langile guztien negoziazio kolektiborako eskubideari eustea.

Beraz, Kristau Eskolak eta IZEAren eskutan dago orain, langileok uztailaren 8a baino lehenagoko egoerara bueltatzea eta benetako negoziazioarekin hastea.
  

LAB sarean
{module[111]}

AZKEN ALBISTEAK | ĂšLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.