Langileak enpresari konponbide desberdinak proposatzen saiatu dira, baina honek entzungor egin du. Horrela, lanuzte eta mobilizazioak egitera behartuta ikusi dute euren burua langileek. Guztiz bortitza izan da enpresaren erreakzioa, langile guztiak kaleratu baititu. Gainera, banatzaile berrien kontratazioari ekin dio, greban dauden langileak ordezkatzeko. Enpresak egindako gehiegikerien aurrean, langileek mobilizazioak egingo dituzte LAB sindikatuaren laguntzarekin.
Pasa den otsailaren 15etik, EAE, Errioxa, Nafarroa eta Aragoan Bakery Donuts Iberiak autonomo moduan dituen 150 banatzaileak greban daude enpresak inposatu nahi dituen gehiegikerien aurka. Tuterako Mahaia deitutako plataforma osatzen dute langileek.
2013an, Panrico-Donutsek jasaten zuen salmente hondoratzearen aitzakiarekin, langileek kaleratzeak eta lan-baldintzen murrizketa larriak onartu zituzten, etorkizunean berreskuratzeko promesarekin. Enpresak aldiz, ez zuen agindutakoa bete.
2016an Grupo Bimbo SABek erosi zuen Panrico-Donuts. Eta berriro planteatzean da zuzendaritzetatik planifikatutako mugimenduen kostea, langileen lan-baldintzen kaltetzearen kontura izatea.
Puntu honetan, langileen %25a kaleratzea planteatu zen Bakery Donuts Iberia S.A.tik (Bimbo), banatzaile bakoitzaren lan-karga gehituz. Gainera, enpresak produktu baten banaketa eten du (ogi ingelesa), langileentzako fakturazioaren %40 suposatzen duena.