Iruñean ostiralean bertako Justizia Jauregiaren aurrean mobilizatu eta gero, Donostian eta Bilbon egin dugu gaur protesta epaitegien aurrean, jazarpen sindikala eta Imanol Salinas kidearen aurkako kartzela zigorra salatzeko. Oraingoan ere, megafonoekin irten gara kalera. Izan ere, megafono bat eramateagatik, lan gatazka batean prekarietatea modu baketsuan salatzeagatik, zigortu dute Imanol Salinas.


 
Mobilizazioekin jarraituko dugu datozen egunetan. Hain zuzen ere, Gasteizen egingo dugu bihar elkarretaratzea, epaitegien aurrean ere, 12:00etan. Larunbatean, berriz, manifestazio bat egingo dugu Iruñean, 17:30ean, autobus geltoki zaharretik abiatuta.