2024-03-02
HomeIndustriaMetalgintzaDei egiten diegu beste sindikatuei Bizkaiko metalgintzan datozen hilabeteotan lanuzte eta grebak...

Dei egiten diegu beste sindikatuei Bizkaiko metalgintzan datozen hilabeteotan lanuzte eta grebak deitzera, sektorerako hitzarmen duina lortu arte

Gaur egin da Bizkaiko metalgintzako hitzarmenaren mahai negoziatzailearen 18. bilera. Urtebete baino gehiagoz luzatu dira negoziazioak eta gaur berriro nabarmen geratu da ez dagoela patronalarekin negoziazio posiblerik. FVEMek ez du negoziatu nahi sektoreko langileen baldintzak negoziatuko dituen hitzarmenik. Gaurko bileran planteatuko du 2018a inolako igoerarik gabe uztea, eta honek, atzerakada dakar aurreko bilerekiko.

LABen hilabeteak daramatzagu enpresetan eta kalean mobilizatzen. Azken egunotan mozioak sartu ditugu sektoreko enpresetan hitzarmen sektorialaren defentsan eta mobilizaziorako deia eginez. Hainbat dira mozio hauei atxikimendua adierazi dioten enpresa-batzorde eta pertsonaleko delegatuak; Mesa, Arteche, Enersys, Sachs, Kelvion, Nemak, Wartsila, Laminados Losal, Troqueleria Odin, Zabala Mekaniko Tailerra, Disbainu, Rhoiter… datozen egunetan atxikimenduak jasotzen jarraituko dugu eta asanblea eta mobilizazioak egingo ditugu enrpesetan.

Negoziatzeko borondate faltaren aurrean, eta patronalaren nagusikeria ikusita, LABetik berriro dei egiten diegu gainontzeko sindikatuei lanuzteak eta grebak egin ditzatzen hurrengo hilabeteetan, 47.000 langiletik gora dituen sektorean hitzarmen duin bat sinatzeko helburuarekin, langile horien lan baldintzak duinduko lituzkeena. Antolakuntza eta borroka beste biderik ez dago.
 

 

 

AZKEN ALBISTEAK | ƚLTIMAS NOTICIAS

Bidelanen hitzarmen kolektiboa sinatzea #LortuDugu

2023ko urtarrilean hasi zen negoziazioaren ondoren, Bidelan AP8n hitzarmena sinatu dugu 4 urterako, 2023/2026rako, LAB buru duen batzordearen eta Bidelan enpresaren artean.

Zaintza, enplegua eta ondasunaren banaketa aldarrikatu ditugu Gasteizen, Martxoaren 3ko sarraskiaren 48. urteurrenean

Ekitaldia egin du LABek Gasteizen, Martxoaren 3ko sarraskiaren 48. urteurrenean, Enbor beretik sortuko dira leloarekin. GarbiƱe Aranburu koordinatzaile orokorrak adierazi du 1976 hartan jaio berria zela sindikatua: ā€œHasieratik argi izan genuen gure lekua non zegoen. 76ko martxoaren 3aren parte izan ginen eta LABentzat urtemuga garrantzitsua izaten jarraitzen duā€.

Natra OƱatin aurreakordioa #LortuDugu

Natra OƱatin aurreakordioa lortu dugu. 2022tik hitzarmena berritu gabe pasa eta gero, 2023 osoa negoziatzen egon ondoren, eta enpresaren aldetik mespretxua besterik jaso ez dugun honetan, gaur, 2024ko martxoaren 1ean, aurreakordio bat sinatzera iritsi gara bi aldeak.