Sailburu ezberdinen interes falta agerian geratu da, tartean Cristina Uriarterena. Urteotan, enpresa batzuen aberastasuna elikatzen egon da eskola jangeletako langileon kaltetan.
Gogoratu behar dugu iruzurraren diruaren erdia, 35 milioi euro, pertsonalaren partidari dagokiola, eta denbora horretan guztian zehar, azpikontratazio eta prekarietate maila itzela sufritzen egon da.
Iruzurrak hamar urte iraun du, eta kolektiboa duintzeko emandako pausuak hutsaren hurrengoak izan dira.
Hau guztia posible izateko, Administrazioak eskuak gurutzatuak izan ditu. Horrela egin du argi eta garbi, ez du inolako kontrol neurririk jarri aurrekontutik bideraturiko lizitazioetan.
LAB sindikatuaren exijentziak hauek dira:
-Eskola jangeletan azpikontratazioarekin bukatu behar da. Hezkuntza sistemaren oinarrizko errekurtsoa da.
-Azpikontrataturiko langile guztiek langile publikoak izan behar dute.
-Eskola guztietan, sukaldeek bertan egon behar dute.
