2024-02-28
HomeIndustriaMetalgintzaCORRUGADOSeko zuzendaritzak astelehenean tailerra berriz martxan jarriko dela jakinarazi du

CORRUGADOSeko zuzendaritzak astelehenean tailerra berriz martxan jarriko dela jakinarazi du

Corrugados Azpeitiako zuzendaritzak datorren astelehenean tailerra arrankatuko duela jakinarazi die langileei. Greba utzi zutenetik langileek eskatutakoa hain zuzen. Emandako urrats hori garrantzitsutzat jo dute langileek eta negoziaziorako lagungarria izan daitekeela ere adierazi dute.

Corrugados Azpeitiako langileen oharra

«Gaur enpresak komunikatu digu datorren astelehenean tailerra arrankatuko duela. Hau da guk, greba utzi genuenetik, eskatu duguna. Emandako urrats hori garrantzitsutzat jotzen dugu eta negoziaziorako lagungarria izan daitekeela uste dugu, beti ere esatetik egitera pasatzen bada eta, horregaitik, hurrengo egunetan esandakoa gauzatzeari begira egongo gara.

Bere hitza beteko duen bermerik hoberena lan karga ekartzea da eta horren zain gaude.

Enpresak egindako azken proposamena aztertzen ari gara eta, berriro, enpresaren bideragarritasuna langileen soldatatan ipintzen du. Guretzat arazoaren irtenbidea lortzeko debate faltsua sortzea da. Enpresa honen etorkizuna Gallardo Taldeak jarraitzeko borondatetik etorriko da eta ez soldatakin gora eta behera ibiltzetik. Borondaterik ezean dohainik lan eginda ere ez legoke etorkizunik.

Hurrengo egunetan gure erantzuna, hau da, proposamen berria helaraziko diogu enpresari. Komitearen aldetik beti izan dugu negoziaziorako prestutasuna eta gatazka honi adostutako irtenbide emateko asmoa.

Hurrengo egunetan ere, langile guztiekin bilera egiteko deialdia egingo dugu.» 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.

Amazonen ereduak dakarrena salatu dugu BECen, greba egunen bezperan

Paketatze, banaketa eta garraio ereduak dituzte hizpide gaur eta bihar bitartean BECen, Barakaldon. Robotizazio, digitalizazio eta automatizazioak sortzen duen lan-eredua definitzen ari dira eta badugu eredu horretan adierazlea den ezaguna: Amazon multinazionala. Lan eredu berriak indarrez inposatu eta edozein hobekuntza negoziatzera uko egiten dion enpresa.

Osakidetzako zuzendaritzak ez du bermatzen EAGak irekita izatea oinarrizko plantillarekin

Atzo sindikatuetako ordezkariak, langileak eta herritarrak bildu ginen, EAGetan bizi dugun egoera salatzeko.