2024-02-28
HomeIndustriaMetalgintzaCorrugados Azpeitiako enpresa komiteak 338 familen etorkizuna Madrilen erabakiko dela salatu dute

Corrugados Azpeitiako enpresa komiteak 338 familen etorkizuna Madrilen erabakiko dela salatu dute

Corrugados Azpeitiako enpresa komiteak urriaren 29an Madrilgo Audientzia Nazionalean Gallardo Taldeak inposatutako kaleratze espedientea epaituko dela jakinarazi du. Komiteak Gallardoren jokaera eta "gure eremu naturaletik kanpoko epaileen eskuetan gure etorkizuna" utzi izana salatu dute. Urriaren 17an elkarretaratzea deitu dute Azpeitiko Udaletxe aurrean. 

CORRUGADOS AZPEITIA ENPRESAKO KOMITEAREN OHARRA

Prentsa ohar honen bidez, Corrugados Azpeitia enpresako Komiteak plazaratu nahi du hile honetan, hau da, urriaren 29an Madrilgo Audientzi Nazionalean Gallardo Taldeak enpresan inposatutako kalerapeneko espedientea (EREa) epaituko dela.

Espediente honen bitartez 338 langile kaleratu nahi dituela Gallardok Urola eskualdean. Madrilen epaituko dela 338 familien etorkizuna eta, ondorioz, Urola eskualdeko etorkizuna ere.

Ezin dugu Gallardok erabiltzen duen erantzukizun gabeko joko hau onartu eta, horregaitik, salatu nahi dugu Gallardoren erabakia eta inposaketa eta Madrilen egingo den epaiketa gure eremu naturaletik kanpoko epaileen eskuetan gure etorkizuna uztea ere bai.

Hauxe guztia plazaratzeko urriaren 17an, goizeko 10,30etan, Azpeitiko Udaletxe aurreko plazan langileen elkarretaratzea burutuko dugu. Herritarren babesa eta eskualdeko enpresen komiteetako atximendua ere eskatzen dugu. Parte hartuko duen guztiei aurretik eskerrak helarazten dizkiegu.

 

LAB sarean
{module[111]}

       

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.