2024-06-15
HomeEkintza SindikalaCofelyko langileek Nafarroako Gobernuari esku hartzeko eskatu diote, Nafarroako lanpostu guztiak salbatzeko

Cofelyko langileek Nafarroako Gobernuari esku hartzeko eskatu diote, Nafarroako lanpostu guztiak salbatzeko

Cofely enpresako Nafarroako langileen ordezkaritza batek bilera izan du gaur, Iruñean, Nafarroako Gobernuaren Lan Zerbitzuko arduradunekin eta, haien kezka helaratzeaz batera, lan gatazka honetan esku hartzeko eskatu die. EEE Enplegu Erregulazio Espedientea negoziatzeko hirugarren astean gauden honetan, LAB sindikatuak salatu nahi du enpresa ez dela ia deus mugitu bere hasierako planteamendutik, eta gaur gaurkoz penintsula osoan 583 langile kaleratzeko arriskuan daudela, horietako 13 Nafarroan (hemengo ia plantila osoa).

LABek azpimarratu nahi du ez duela ez EEEren kausa ez eta berau gestionatzeko modua onartzen. Ia Nafarroako langile guztiak kalean utzi nahi dituen EEE hemen, Nafarroan, negoziatu beharko litzateke. Horixe da enpresari beste ezer baino lehen LABek eskatu ziona; baina enpresak uko egin zion eskaerari. Argi dago horren atzean dagoena dela enpresak badakiela hemen lan postuak mantentzeko sindikatu bat eta langile batzuk dituela aurrean eta hori ez zaiola interesatzen.

Ez dugu ulertzerik, enpresak, burofax eta eskutitzen bitartez, bezeroekin unilateralki kontratuak etetea, horietako asko Nafarroan, are gutxiago kontratu horiek errentagarriak direnean. Honek guztiak agerian uzten du enpresak negoziatzeko eta irtenbideak bilatzeko duen interes falta.

Nahiz eta zoritxarrez lehen aldia ez izan, berriz ere kasu honetan badugu diru sarrera estratosferikoak dituen enpresa talde batean kokatutako enpresa bat, diru publikoaz baliatzen dena eta Nafarroan irabaziak dituen lan zentro bat duena, eta batere lotsarik gabe langileak kaleratu nahi dituena.

Honengatik guztiarengatik, Cofelyko Nafarroako langileek eta bere ordezkari sindikalek Nafarroako Gobernuari eskatu diote beharrezkoak diren baliabide eta bideak erabil ditzan EEE bertan behera gera dadin eta Nafarroak duen egoerari Nafarroan egikarituko den negoziazio batean irtenbidea bilatzeko exijitu dezan.

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.