2024-05-30
HomeIndustriaMetalgintzaCegasa Taldean 275 langileren kaleratzea abiatu da: Cegasa salba dezagun!

Cegasa Taldean 275 langileren kaleratzea abiatu da: Cegasa salba dezagun!

Ohar honen bidez jakinarazi nahi dizuegu, gaurko egunez CEGASA enpresa taldeko administrazio konkurtsalak 275 langile kaleratzeko prozedura abiatu duela.

Jakina denez, otsailaren 28an , CEGASA taldeak, “SHERPA 2 INVESTMENTS 02 S.L.U.” eta “NOVATIUM S.L.U.” rekin ekoizpen unitateen transmisiorako akordio bat lortu dute. Publikoki hainbatek euren poza agertu duten arren, gaur hasten den prozedurak islatzen du CEGASAren benetako errealitatea. 

Izan ere, Oñatiko langileen lanpostuak mantenduko badira ere, ezin dugu albo batera utzi emango den enplegu suntsiketa. Gasteizko lan zentruetan Cegasaren erabakiek ondorio tamalgarriak izango dituzte.

Sherpa Capital arrisku kapital fondoak Oñatiko lantokia bere esku hartzea injustizia haundi honetako elemento positibo bakarra den arren, ezin esan dezakegu langile hauen etorkizuna inolaz ere bermaturik dagoenik. Harrigarria da enpresako direktibo guztiek, CEGASA egoera honetara ekarri dutenak, izango dutela Sherpan lana egiteko aukera; horientzako bai, topatu dute irtenbidea, beste 275 langileekin ez bezala. Sherparen partetik enpresa erosteko azken orduko tirabirak (akordioa ez zen mediotan atera den moduan asteartean sinatu, asteazkenean baizik eta proiektu industriala ez dugu ezagutzen) eta Sherpa enpresak etorkizunean izan ditzakeen birsalmentarako aukerak (enpresa "ia oparitua izan da", oso merke saldua) etorkizunean, ziurgabetasun egoeran uzten ditu langileak. LABek arretaz jarraipena egingo dio Sherparen etorkizuneko bilakaerari, ez du espekulazioarik onartuko eta langileen enpleguaren eta eskubideen defentsa irmoa egingo du. 

Cegasa moduko euskal enpresa erreferentzial (1934an sortua) baten itxiera izan daiteke ERE honek suposa dezakeena. Hamarkada luzetan langileen kontura aberastu eta gero, eta hainbat dirulaguntza publiko jaso ondoren, langileek kaleratze masiboa pairatu dute, 275 lanpostuen sunsipena, hain zuzen ere. 15,3 miloi inguru dira 2009 eta 2013 urteen artean CEGASAk jasotako dirulaguntzak, Arantxa Tapiak parlamentuan azaldu zuenaren arabera. Hori guztia unitate txiki bat salbatzeko. Hori da eman den alternatiba. Nola da posible urteetan mundu mailan liderra izan den enpresa bati hainbesteko dirulaguntzak eman izana berme gabe, haren bilakaera bultzatu gabe?

Ardura instituzionalak ez dira hor geratzen, ze, Arabako Fori Aldundiak eskuartze zuzena izan du Cegasa Taldearen bilakaeran. Izan ere, dirulaguntzak eman zizkion eta hartzekoduna izanda, administratzaile konkurtsaletako bat hautatu zuen.administradore konkurtsalek langileei konpromiso bakarra eskatu zieten: plan sozial bat adostea. Langile ordezkariek onartu zuten plan sozial hori, eta hala ere, 275 kaleratze izan dira euren lanaren ondorio. Adostutako plan hori ezerezean utzi dute, langileak kale gorrira bidaliz, bertan jasoak zeuden ordainsarietatik ezer kobratzeko bermerik gabe.) Hauek, ardura handiz jokatu beharrean enpleguak mantentzeko, Arabako Ahaldun Nagusiak kaleratze masiboaren aurrean bere pena besterik ez du adierazi. Hori da ordezkari instituzional batek jokatu behar duen papera?

Horregatik, LABek instituzioei exigitzen die beraien eskuhartze zuzena eta aktiboa CEGASAko likidazio fase honetan langileen alde jokatzeko eta enpleguak mantentzeko, ahal duten guztia egin dezaten. Gure ustez, oraindik aukerak daude ehunka langileren kaleratzeak ekiditeko eta LABek hori lortzeko lan egingo du. 
 

 

 

AZKEN ALBISTEAK | ĂšLTIMAS NOTICIAS

Kanakyar herriari elkartasuna adierazi diogu bertako askapen mugimenduko ordezkariekin izandako bileran

Igor Arroyo koordinatzaile orokorrak, Argitxu Dufau Ipar Euskal Herriko arduradunak eta Koldo Saenz Nazioarteko idazkariak osatutako LAB sindikatuaren ordezkaritza bat, FLNKSeko (Kanakyako Nazio Askapen Mugimendu Sozialista) ordezkaritza batekin bildu dira. Kanakyatik etorritako ordezkaritza FLNKSeko exekutiboko kide eta Kanakyako gobernuko kanpo aferen arduraduna den Mickael Forrestek eta FLNKS-eko exekutiboko kide nahiz Batasun Kaledoniarreko Komisario Orokor ondokoa den David Wanabo-k osatu dute.

Pentsio sistema publiko propioaren norabidean eginiko proposamena jendaurrean aurkeztu dugu Iruñean

LAB sindikatuaren Haritik argitalpenaren ale berrian, pentsio sistema publiko eta propio baterako gure proposamena bildu dugu, hiru zutabe nagusi dituena: zaintzagatiko pentsioa, trantsizioa bideratzeko sistema osagarri publiko, unibertsal eta birbanatzailea eratzea eta Gizarte Segurantzaren arloko eskumen osoa keskuratzea. Gaur Iruñean, proposamen hori Nafarroako zenbait eragile sozial eta politikori aurkeztu diegu, Amanda Verrone politika publikoen azterketarako arduradunaren eta LABeko bozeramaile Imanol Karreraren eskutik.

Askatasun sindikala defendatu dugu gure jarduna oztopatzeko saiakeren aurrean

11 langile baino gutxiagoko enpresa oso txikietako hauteskunde sindikalak (TPE deitzen ditugunak) 2024ko azaroaren 25etik abenduaren 9ra iraganen dira Ipar Euskal Herrian.