2024-07-14
HomeIndustriaMetalgintzaCAFeko langile batzarrak EEE errefusatu eta mobilizazioetan hastea erabaki du

CAFeko langile batzarrak EEE errefusatu eta mobilizazioetan hastea erabaki du

Gaur, azaroak 28, goiz eta arratsaldez burutu diren langileen batzarretan, langileek enpresak Beasaingo CAFen ezarri nahi duen EEEa errefusatu eta mobilizaziotan hastea erabaki dute. Batzarrean aurkeztutako "Ados al zaude EREa errefusatzearekin eta presio neurriak aurrera eramatearekin?" galderari baiezkoa 1295 langilek eman die eta 91k ezezkoa.

Batzarretan epe motzerako mobilizazio ezberdinak onartu ditu, guziak helburu berberarekin: enpresak EREa aplikatzeko hartu duen erabaki unilateralean atzera egiteko eta eseri dadila komitearekin sortu den egoerari irtenbidea bilatzeko eta alternatibak lantzeko.

 

MOBILIZAZIO EGUTEGIA

Azaroak 29 osteguna
4 orduko lanuztea errelebo bakoitzak

Azaroak 30 ostirala
♦ 4 orduko lanuztea, errelebo bakoitzak

♦ Goizeko 11.00etan Enpresa Batzordeak prentsaurrekoa emango du CAF-Beasaingo sarrera nagusian
♦ 11.30etan manifestazioa Beasaingo kaleetan zehar. 

Abenduak 3 astelehena
4 orduko lanuztea errelebo bakoitzak

 

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.