Atzo, azaroak 26, enpresako zuzendaritzak enpresa batzordea deitua zuen CAF-Beasaingo ibilgailu akaberan ezarri nahi duen EREaren inguruko xehetasunak eta argudioak azaltzeko. Komitearen eskaerei jaramonik egin gabe bere planteamenduan aurrera jarraituko duela azaldu du.
Enpresa Batzordeak bere osotasunean (LAB-ELA-CCOO-ESK) EREaren tramitazioa EZ hasteko eskatuko dio enpresari, eta aldi berean, sortu den egoera aztertzeko hasi dezala elkarrizketa prozesu bat komitearekin.
Enpresak, komitearen eskaerei jaramonik egin gabe bere planteamenduan aurrera jarraitu du. Atzo bertan EREa lan delegaritzan tramitatuko zuela esan eta atzoko bilerarekin hasten zela legeak kasu hauetarako aurreikusten duen15 eguneko elkarrizketa epealdia azpimarratuz.
Bilera hau burutzen zen bitartean langileak kontzentratuta egon ziren bulego nagusiaren aurrean eta bertan informatu zaie bilerak emandakoari buruz.
Enpresa batzordeak, langileen batzarra deitu du datorren asteazkenak 28rako eta bertan, besteak beste, egoera honi aurre egiteko mobilizazioak planteatuko dituztela iragarri dute .