LAB, ELA, ESK, CGT eta CNT sindikatuok egun osoko grebara deitu dute ostegunerako Bizkaiko bulego eta langelen hitzarmenak eragiten dien sektoreetan. Hitzarmenaren negoziazioari bultzada ematea da sindikatuen helburua. Hala azaldu dute gaur Bilbon, mobilizazioen berri emateko egindako agerraldian. Hitzordu nagusiena 12:00etan izango da, Bilboko Arriaga plazatik abiatuko den manifestazioa.
Hauxe da sindikatuetako ordezkariek gaurko agerraldian egin duten irakurketa:
Hilabete luzez akordioren bat lotu nahian negoziatu ostean, aukera hori oso nekez lor daitekeela uste dugu, GFI, NORTE, IDE, Accenture, Entelgy Ibai, IBM… bezalako enpresek langileak are pobreagoak izan daitezen dituzten asmoez eraginda. Ez dute zalantzarik agertzen antzinatasuna ezabatzeko, gutxiengo bermea moduko eskubideak baliogabetzeko; soldata muga barik izoztu dadin hura xurgatzen eta ordaintzen saiatzen dira,eta horrela, euren enpresetako lan prekarietatea betikotzen, betiere, CEBEKen siglen atzean ezkutatuz.
Antzinatasuna eta gutxieneko bermea mugiezinak iruditzen zaizkigu, non eta bi kontzeptu horiek barik, lan baldintzak penagarriak liratekeen sektore batean.
Patronala, erakusten ari den immobilismoaz eta langileontzat kaltegarria den bulego eta langeletako hitzarmen kolektiboa egiteko gogoz, berriro estutzen ari da egoera.
Euskaltel, Vodafone, Kutxabank euskal bankua, Iberdrola, Bizkaiko ForuAldundia eta Eusko Jaurlaritza egoera honen gaizkideak dira, Bulego eta langeletako hitzarmena ezarri beharko luketen enpresetako bezeroak izanik, lizitazioak erabiltzen ari dira are gehiago zanpatzeko, zalantza sortuz ekonomia-irabaziak handitzeko, soldatak bere horretan eusteko eta subrogazioa eragozteko, eta hori guztia eginez, egoeraz baliatzeko.
Sektore honek honezkero,nahikoa da, esan du! Mobilizazioak eta manifestazioak atari izan dira sindikatuek jarrera gogortu zezaten; betiere, behargin guztien eskubideak eta eskubideen galerariki zango ez dituzten baldintzak helburu izanik.
Otsailaren batean gure sektoreak grebara deitu du, korapilatsua izan daitekeen negoziazioari bultzada berriak em ateko. Aurrerantzean ere, irmotasunez eutsiko diegu aldarrikapenei eta borrokatuko gara Bizkaiko Bulego eta Despatxuetako hitzarmenaren alde.